20 տարին մի ամբողջ դարաշրջան է. «Կոմսոմոլսկայա պրավդա վ Արմենիի» թերթը նշում է իր հոբելյանը
Թեմա
«Կոմսոմոլսկայա պրավդա վ Արմենիի» թերթը նշում է իր 20-ամյակը, և այդ առիթով Վանաձորի «Ռուսկի դոմ» կոնտակտային կենտրոնում տեղի է ունեցել թեմատիկ կլոր սեղան-հանդիպում ընթերցողների հետ։
Պատվավոր հյուրերի թվում էին Հայաստանում Ռուսաստանի արտակարգ և լիազոր դեսպան Սերգեյ Կոպիրկինը, Շիրակում Ռուսաստանի գլխավոր հյուպատոս Իգոր Տիտովը, Երևանում Ռուսական տան փոխտնօրեն Եկատերինա Անդրեևան, Շիրակում Ռուսական տան տնօրեն Դարիա Բոչարովան, ինչպես նաև ՎՊՀ-ի և «Ռուսաստան», «Ռուսաստանի բարեկամներ» և «ՀՈՐԻԶՈՆ» հասարակական կազմակերպությունների ներկայացուցիչներ։
Միջոցառման համակարգող՝ «Իրավունք» մեդիա հոլդինգի ( որի մեջ է մտնում «Կոմսոմոլսկայա պրավդա վ Արմենիի» թերթը) նախագահ Հայկ Բաբուխանյանը նշեց, որ խմբագրակազմը եկել է ընթերցողների հետ անկեղծ և ազնիվ զրույցի համար։
«Մենք եկել ենք ոչ միայն գովասանքի, այլև՝ ձեր խորհուրդները,մտքերը և գաղափարները լսելու համար», - նշեց նա։
Հայկ Բաբուխանյանը շնորհակալություն հայտնեց Հայաստանում Ռուսաստանի Դաշնության դեսպանատանը, Շիրակում Ռուսաստանի Դաշնության գլխավոր հյուպատոսությանը և Հայաստանում «Ռոսսոտրուդնիչեստվո»-ի գրասենյակին՝ աջակցության և համագործակցության համար։
Այս թերթը լիովին արտացոլում է Հայաստանի և Ռուսաստանի միջև հարաբերությունների էությունը։
ՀՀ-ում Ռուսաստանի դեսպան Սերգեյ Կոպիրկինը ողջույնի խոսքով դիմեց ներկաներին։ Նա, մասնավորապես, ասաց.
«Ուրախ եմ շնորհավորել ձեզ այս տարեդարձի կապակցությամբ։ Քսան տարին մեր ժամանակների համար մի ամբողջ դարաշրջան է։ Հայաստանում, տարածաշրջանում, Ռուսաստանում և աշխարհում տեղի ունեցած փոփոխությունները, համարձակվում եմ ասել, հսկայական են եղել։ Մենք իսկապես արդեն ապրում ենք բոլորովին այլ աշխարհում։
Եվ չնայած այս բոլոր փոփոխություններին, «Կոմսոմոլսկայա պրավդան» շարունակում է հրատարակվել և պահպանել կայուն ընթերցողական լսարան։ Սա, իհարկե, շատ բան է ասում։
Նախևառաջ, սա խոսում է նրանց աշխատանքին մասնակցողների կրքի մասին: Առանց դրա ոչ մի նախագիծ չի կարող այդքան երկար գոյատևել և հաջողակ լինել: Եվ, իհարկե, սա խոսում է թերթի բովանդակության մասին: Սա դեղին թերթ չէ, այլ լուրջ, օբյեկտիվ հրատարակություն, որը ես ինքս պարբերաբար կարդում եմ: Այն հետաքրքիր է սպառողական, քաղաքական և կրթական տեսանկյունից:
Բայց ինձ համար ամենակարևորը այն է, որ այս թերթը լիովին արտացոլում է Հայաստանի և Ռուսաստանի, հայ և ռուս ժողովուրդների միջև հարաբերությունների էությունը: Այն աշխատում է պահպանել, ամրապնդել և զարգացնել այդ ավանդույթները: Հիմա ավելի քան երբևէ, սա կարևոր է:
Կա ևս մեկ կարևոր կողմ. սա ռուսալեզու թերթ է, ինչը նշանակում է, որ նրա աշխատանքը նպաստում է ռուսաց լեզվի պահպանմանը և տարածմանը Հայաստանի Հանրապետությունում: Սա կարևորագույն նշանակություն ունի։
Որպես ձեր հավատարիմ ընթերցող՝ մաղթում եմ ձեզ հաջողություններ: Թող հրատարակությունը շարունակի լույս տեսնել, վայելել հեղինակություն և ժողովրդականություն և ծառայի այն գործին, որին մենք բոլորս ծառայում ենք այստեղ՝ ռուս-հայական հարաբերությունների պահպանմանը, ամրապնդմանը և զարգացմանը: Եվ, իհարկե, հանրության մտավոր մակարդակի բարձրացմանը։
Շիրակում Ռուսաստանի Դաշնության գլխավոր հյուպատոս, թերթի նախկին հատուկ թղթակից Իգոր Տիտովը նույնպես շնորհավորեց թերթին Հայաստանում գործունեության 20-ամյակի կապակցությամբ, մասնավորապես, նշելով, որ ինքը համոզվել է, որ թերթը կարդում են թե՛ Երևանում, թե՛՝ այլ քաղաքներում։
Թերթին ուղղված շնորհավորանքներ հղեցին նաեւ ներկա այլ բարձրաստիճան հյուրերը։
Իր հեթին Հայկ Բաբուխանյանը պատմեց թերթի գործունեության առանձնահատկություններն ու տարվող խմբագրական քաղաքականությունը, ինչպես նաև կիսվեց որոշ մարտահրավերներով. «Ներկայիս հատուկ պայմաններում թերթ տպագրելն ու տարածելը հեշտ չէ։ Իրավական տեսանկյունից դա հայկական հրատարակություն է, բայց էությամբ՝ ռուս-հայկական է, նույնիսկ, կասեի, ավելի շատ ռուսական։ Ավելին՝ այն հրատարակվում է ռուսերենով, իսկ ռուսերեն կարդացող մարդկանց շրջանակը աստիճանաբար նեղանում է։ Սա առանձին հարց է, հատկապես, երբ խոսքը վերաբերում է լրագրությանը և տպագիր լրատվամիջոցներին»։
Հոբելյանական հանդիպումը արագորեն վերածվեց բաց քննարկման՝ Հայաստանում ռուսալեզու մամուլի ապագայի վերաբերյալ։ Մասնակիցները քննարկեցին, թե ինչ նյութեր են ներկայումս հետաքրքրում ընթերցողներին, ռուսաստանյան օրակարգի եւ հայ-ռուսական հարաբերությունների վերաբերյալ հրապարակումների պահանջարկը, ինչպես նաև Լոռու մարզի և Վանաձորի կյանքն ավելի լիարժեք լուսաբանելու եղանակները։ Հատուկ ուշադրություն դարձվեց տպագիր թերթերի դերին թվային դարաշրջանում. արդյոք դրանք կարող են պահպանել իրենց լսարանը և ինչպես կարող են տարբերակվել առցանց լրատվամիջոցներից։ Քննարկման ընթացքում հնչեցին նաև հրատարակության զարգացման առաջարկներ՝ սկսած լուսաբանման ընդլայնումից մինչև առցանց ներկայության ամրապնդում։ Զրույցը ցույց տվեց, որ հոբելյանը ուղղված էր ոչ միայն քսան տարվա աշխատանքի ներկայացմանը, այլև մեդիա միջավայրում նոր մարտահրավերների պատասխանների որոնմանը։
Պատրաստեց՝ Զարուհի Բաբուխանյանը
Պարզվեց՝ թավիշը միայն դագաղներում էր․․․
Մարտունիում բերման են ենթարկել «Մեր համայնքը» դաշինքի ներկայացուցիչներին, այդ թվում՝ ՀՀԿ խորհրդի անդամ Արամ Կարապետյանին
Արդարադատության ցուցանիշը բռնագանձված գույքի քանակը չէ, այլ այն, թե այդ արդյունքին հասնելիս որքանով է պահպանվել օրենքը
ՈՒՂԻՂ․ Արդյոք կլինեն Նիկոլի ասած ընտրությունները․ Հայկ Բաբուխանյան
1
3872 դիտում
2
3306 դիտում
3
2505 դիտում
4
1958 դիտում
5
1860 դիտում
1
11479 դիտում
2
8537 դիտում
3
5709 դիտում
4
4863 դիտում
5
4239 դիտում
1
31484 դիտում
2
19637 դիտում
3
17770 դիտում
5
11442 դիտում
