Նիդեռլանդներն Ուկրաինային ավելի քան 1 միլիարդ եվրոյի ոչ ռազմական օգնություն կտրամադրի
Նիդեռլանդների կառավարությունը հոկտեմբերի 28-ին հայտարարել է, որ առաջիկա երեք տարվա ընթացքում Ուկրաինային կտրամադրի 1,2 միլիարդ եվրոյի ոչ ռազմական օգնություն։ «Արմենպրես»-ի փոխանցմամբ՝ Reuters գործակալությունը հաղորդում է, որ այս մասին հայտարարվել է Ուկրաինայի նախագահ Վոլոդիմիր Զելենսկու՝ Հաագա այցից ընդամենը մի քանի ժամ առաջ։
Նիդեռլանդների վարչապետի գրասենյակի փոխանցմամբ՝ սպասվում է, որ հոկտեմբերի 28-ի կեսօրից հետո Զելենսկին կժամանի Նիդեռլանդներ՝ հանդիպելու վարչապետ Ռոբ Յետտենի և կառավարության մյուս անդամների հետ։ Նախատեսված է նաև նրա հանդիպումը Նիդեռլանդների թագավոր Վիլեմ Ալեքսանդրի հետ։
Նիդեռլանդների կառավարությունը խոստացել է 2027 թվականին Ուկրաինայի վերականգնմանն ուղղված օգնության համար հատկացնել 380 միլիոն եվրո, իսկ 2028 և 2029 թվականներին՝ շուրջ 410-ական միլիոն եվրո։
Կառավարության տվյալներով՝ այդ միջոցների մի մասը կուղղվի այն նիդեռլանդական ընկերություններին աջակցելուն, որոնք պատրաստ են ներդրումներ կատարել Ուկրաինայում։
Օգնության մյուս մասը նախատեսվում է օգտագործել Ուկրաինայի էներգետիկ ենթակառուցվածքների անհետաձգելի վերանորոգման և ուկրաինական արդյունաբերության համար անհրաժեշտ սարքավորումների մատակարարման նպատակով։
1
4511 դիտում
2
4006 դիտում
3
3504 դիտում
4
2588 դիտում
5
1697 դիտում
1
8537 դիտում
2
5728 դիտում
3
4870 դիտում
5
4272 դիտում
1
31501 դիտում
2
19646 դիտում
3
11486 դիտում
4
11442 դիտում
