Արցախցիների աջակցության ծրագիրի չափը կնվազի 50 տոկոսով
Տնտեսություն
Կառավարության հոկտեմբերի 29-ի նիստի օրակարգում է Արցախից տեղահանված անձանց սոցիալական աջակցության երկու ծրագրերի ժամկետները երկարաձգելու և աջակցության չափը նվազեցնելու հարցը։
Կառավարությունն առաջարկում է երկարաձգել Արցախից տեղահանված անձանց սոցիալական աջակցության երկու ծրագրերի ժամկետները։ Միաժամանակ, ծրագրերից մեկի շրջանակում նախատեսվում է 2027 թվականի ապրիլից ամսական աջակցության չափը 30 հազար դրամից նվազեցնել 15 հազար դրամ։
Ամսական 30 հազար դրամի աջակցության ծրագրով աջակցություն է տրամադրվում Արցախից տեղահանված անձանց որոշակի խմբերի։ Աջակցության տրամադրումը նախատեսվում է շարունակել մինչև 2027 թվականի հուլիսը։ 2027 թվականի ապրիլից ամսական 30 հազար դրամի փոխարեն կտրամադրվի 15 հազար դրամ։ Ծրագրի շրջանակում դիմումների ներկայացման վերջնաժամկետը 2026 թվականի դեկտեմբերի 15-ի փոխարեն սահմանվել է 2027 թվականի հունիսի 30-ը։
Նախագծի հիմնավորման մեջ նշվում է, որ 2026 թվականի սեպտեմբերին այս ծրագրով աջակցություն է ստացել շուրջ 45 հազար 800 անձ։ Ամսական ֆինանսավորման չափը կազմել է մոտ 1,4 մլրդ դրամ։
Կշարունակվի նաև Արցախից տեղահանված կարիքավոր ընտանիքներին լրացուցիչ հրատապ սոցիալական աջակցության տրամադրումը։ Ըստ նախագծի՝ ծրագրի շահառու ընտանիքների միջին ամսական թիվը ներկայումս շուրջ 8500 է։ Ամսական ֆինանսավորումը կազմում է մոտ 498 մլն դրամ։ Նախատեսվում է դիմումների ներկայացման վերջնաժամկետը 2026 թվականի դեկտեմբերի 15-ի փոխարեն երկարաձգել մինչև 2027 թվականի դեկտեմբերի 15-ը։
Նշված սոցիալական աջակցության 2 միջոցառումների տրամադրման ժամկետների վերանայման պարագայում 2027 թվականի համար կանխատեսվող ֆինանասական չափը կկազմի շուրջ12․6 մլրդ․դրամ, որը նախատեսվել է 2027թվականի ՀՀ պետական բյուջեով:
Ըստ հիմնավորման՝ նախագծի նպատակն է շարունակել սոցիալական աջակցությունը՝ միաժամանակ աստիճանաբար նվազեցնելով ամսական 30 հազար դրամի ծրագրով տրամադրվող գումարը՝ խթանելու շահառուների սոցիալ-տնտեսական ինքնուրույնությունը։
Անհավատալի է, որ ՀՀ ոչ միայն իշխանությունները, այլ նաև բնակչության մի զգալի մասն է անտարբեր մեր խնդիրների հանդեպ
«Հրապարակ»․ «Փաշինյանը մեր հետեւից էլ կգա»․ Արցախցի պաշտոնյաները «ջրի տակ» են անցել
Արցախցիներին տրամադրված կարգավիճակի գործողության ժամկետը կերկարաձգվի
Հնարավորություն ունեցա շփվել Ղարաբաղի տեղահանված արցախահայերի հետ․ ԵՄ ներկայացուցիչը՝ Հայաստան այցի մասին
1
4511 դիտում
2
4006 դիտում
3
3504 դիտում
4
2588 դիտում
5
1697 դիտում
1
8537 դիտում
2
5728 դիտում
3
4870 դիտում
5
4272 դիտում
1
31501 դիտում
2
19646 դիտում
3
11486 դիտում
4
11442 դիտում
