ԱԲ-ն գուշակ չէ. Տեղեկատվական անվտանգության փորձագետը զգուշացնում է
Հասարակություն
Տեղեկատվական անվտանգության փորձագետ Արսեն Լեվոնյանը զգուշացնում է.
Հայկական միջավայրում արհեստական բանականությունը (ԱԲ) շատերի պատկերացմամբ սահմանափակվում է միայն ChatGPT-ով, Gemini-ով և նմանատիպ այլ չաթային համակարգերով։
Սակայն պետք է հասկանալ մի կարևոր հանգամանք ChatGPT-ն կամ Gemini-ն արհեստական բանականության ամբողջությունը չեն։ Դրանք ընդամենը ԱԲ տեխնոլոգիաների կիրառման ձևերից են։
Արհեստական բանականությունը շատ ավելի լայն տեխնոլոգիական ոլորտ է, որն օգտագործվում է բժշկության, գիտության, արդյունաբերության, կիբեռանվտանգության, կրթության, ռոբոտաշինության, տրանսպորտի և բազմաթիվ այլ բնագավառներում։
Այսօր, ցավոք, հայկական միջավայրում հաճախ կարելի է հանդիպել մի երևույթի մարդիկ սուրճ են խմում, լուսանկարում բաժակի հատակը և ուղարկում արհեստական բանականությամբ աշխատող չաթին, որպեսզի այն «գուշակի» իրենց ապագան կամ «բացի բախտը»։
Հարգելի՛ ընկերներ, արհեստական բանականությունը ստեղծվել է ոչ թե սուրճի բաժակի մեջ ձեր ճակատագիրը որոնելու, այլ գիտելիքի, գիտության և տեխնոլոգիական առաջընթացի նոր հնարավորություններ բացելու համար։
Մենք պետք է սովորենք ոչ միայն օգտվել ԱԲ գործիքներից, այլև հասկանալ դրանց աշխատանքի սկզբունքները, հնարավորությունները, սահմանափակումներն ու ռիսկերը։
Արհեստական բանականությունը կարող է օգնել հայտնաբերել հիվանդություններ, կանխատեսել տեխնիկական խափանումներ, բացահայտել կիբեռհարձակումներ, ավտոմատացնել արտադրական գործընթացները և լուծել այնպիսի խնդիրներ, որոնց համար նախկինում պահանջվում էին հսկայական մարդկային ու ժամանակային ռեսուրսներ։
ԱԲ-ն կախարդանք չէ, գուշակ չէ և մարդկային մտածողությանը փոխարինող անսխալական համակարգ չէ։ Այն տեխնոլոգիական գործիք է, որի իրական արժեքը կախված է նրանից, թե մարդն ինչ նպատակով և ինչպես է այն օգտագործում։
Եթե ցանկանում ենք, որ Հայաստանը դառնա տեխնոլոգիապես զարգացած երկիր, պետք է փոխենք նաև մեր վերաբերմունքը նոր տեխնոլոգիաների նկատմամբ։
Ժամանակն է արհեստական բանականությունը դիտարկել ոչ թե որպես զվարճանքի միջոց, այլ որպես գիտական, տնտեսական և տեխնոլոգիական զարգացման հնարավորություն։
ԱՄՆ-ն առաջարկել է, որ Եվրոպան վերադառնա ՆԱՏՕ-Ռուսաստան խորհրդի ձևաչափին. The Washington Post
Բուք, սառնամանիք. Ինչ է կատարվում մարզերում
Նորալուսին Կարիճում՝ նոյեմբերի 9-ին. Ինչ պետք է թողնի կենդանակերպի յուրաքանչյուր նշանը
Նրանք ուզում էին տանկերով գալ Բաքու, ուզում էին թեյ խմել Բաքվում, բայց մենք ցույց տվեցինք, թե ով, ով է․ Ալիև
1
13540 դիտում
2
5333 դիտում
3
3116 դիտում
4
2615 դիտում
5
2198 դիտում
3
5028 դիտում
4
4978 դիտում
5
4385 դիտում
1
31566 դիտում
2
19763 դիտում
4
11579 դիտում
5
11531 դիտում
