Երևանը վստահեցրել է Թեհրանին, որ TRIPP-ը չի փոխի տարածաշրջանի աշխարհաքաղաքականությունը. Իրանի ԱԳՆ
Հայաստանը վստահեցրել է Իրանին, որ Սյունիքի մարզով անցնող «Թրամփի ուղի` հանուն միջազգային խաղաղության և բարգավաճման» (TRIPP) նախագիծը չի փոխի տարածաշրջանի սահմանները կամ աշխարհաքաղաքականությունը, հայտարարել է Իրանի արտաքին գործերի նախարարության խոսնակ Էսմայիլ Բաղային։ «Արմենպրես»-ի փոխանցմամբ՝ այս մասին հաղորդում է Mehr գործակալությունը։
«Մենք բազմիցս կրկնել ենք մեր դիրքորոշումը։ Մենք ողջունել ենք տրանսպորտային ուղիների շրջափակման վերացումը և ընդգծել, որ այս նախագծերը չպետք է հանգեցնեն տարածաշրջանի աշխարհաքաղաքականության փոփոխության», – նշել է Բաղային։
Նրա խոսքով՝ փորձը ցույց է տալիս, որ ԱՄՆ-ի ներկայությունն ու ազդեցությունը տարածաշրջանում միշտ ուղեկցվել են անապահովությամբ։
«Մենք մեր մտահոգությունները փոխանցել ենք Հայաստանին, և մեզ վստահեցրել են, որ այս նախագիծը չի հանգեցնի սահմանային փոփոխության», – հավելել է նա։
Ճեպազրույցից որոշ մեջբերումներ է արել նաև ՏԱՍՍ գործակալությունը, ըստ որի՝ Բաղային նաև նշել է, որ ճանապարհի շինարարությունը կիրականացնեն հայկական ընկերությունները, և այստեղ ԱՄՆ ռազմական ուժեր չեն տեղակայվի։
Խոսնակը նաև ընդգծել է, որ Իրանը շատ լավ հարաբերություններ ունի Հայաստանի հետ, սակայն ուշադիր կհետևի զարգացումներին և անհրաժեշտության դեպքում հրապարակայնորեն կհայտնի իր դիրքորոշումը։
TRIPP-ը անձամբ Թրամփի բիզնես պրոյեկտը չէ. Սիմոնյան
TRIPP-ով ՀՀ-ի ավելի քան 30 տարի շարունակվող շրջափակումը հաղթահարվում է. Փաշինյան
ԹՐԻՓՓ-ի անվան տակ Հայաստանին ներկայացվածը բոլորովին այլ փաստաթուղթ էր․ Էդգար Ղազարյան
Դուք սկի չգիտեք՝ TRIPP-ը որտեղով ա անցնում, էս ի՞նչ քննարկում ա, ճակատագրական հարց ա. Ղազարյան
1
13623 դիտում
2
6560 դիտում
3
3210 դիտում
4
2883 դիտում
5
2230 դիտում
1
31589 դիտում
2
19782 դիտում
5
5036 դիտում
4
11579 դիտում
5
11538 դիտում
