Ո՞վ կղեկավարի Գագաուզիան. Մոլդովայում ընտրական պայքարը նոր երանգներ է ստանում
Միջազգային
Քաղաքագետ ԱՂՎԱՆ ՊՈՂՈՍՅԱՆԸ մոլդովական քաղաքական դաշտից մեկ ուշագրավ դրվագի մասին է մատնանշում։
«Գագաուզիայի Բաշկանի պաշտոնին հավակնում է Մոլդովայի նախկին դատախազ Ալեքսանդր Ստոյանոգլոն։ Հիշեցնենք, որ Գագաուզիան Մոլդովայի կազմում գործող ինքնավար միավոր է։ 2025 թվականին փողերի լվացման մեղադրանքով ձերբակալվել էր ռուսամետ հայացքներով հայտնի Գագաուզիայի Բաշկան Եվգենիա Գուցուլը։ Մոլդովայում Ստոյանոգլոն ճանաչում է ձեռք բերել կոռուպցիոն մի շարք սկանդալների շնորհիվ. մասնավորապես նա անցնում է Վյաչեսլավ Պլատոնի գործով, որտեղ քննվում են ապօրինի հարստացման, փողերի լվացման և նմանատիպ այլ հանգամանքներ։ Բնականաբար, կոռուպցիոն մեղադրանքներից դուրս չէր կարող մնալ նաև նախկին դատախազի կինը՝ Ցվետանա Կուրդովան։
Մոլդովական մամուլում հրապարակված նյութերի համաձայն՝ Ցվետանա Կուրդովան իր հայտարարագրում թաքցրել է Ուկրաինայում մի շարք ընկերություններից ստացված եկամուտները։ Այսպիսով, նախկին պաշտոնյան և նրա կինը Մոլդովայում ընկալվում են կոռուպցիայի ու թալանի հետ կապված։ Ավելորդ չէ նշել, որ Ռուսաստան-Արևմուտք հարաբերությունների ներկա ֆոնին Գագաուզիայի Բաշկանի ընտրությունն առանձնահատուկ հետաքրքրություն է ներկայացնում հենց եվրոպական ընտանիքի ուղղությամբ շարժվող Մոլդովայի համար։
Իմ կարծիքով՝ հայ հասարակությանը առավել հասկանալի կլինի սեփական դատողություն կազմելը եվրոպական քաղաքակրթության, ազատ և արդար ընտրությունների անցկացման, ինչպես նաև ժողովրդավարության ու մարդու իրավունքների պաշտպանության առումով։ Ստոյանոգլոն առաջադրվել է որպես անկախ թեկնածու, սակայն ամբողջությամբ օգտվում է իշխանությունների աջակցությունից՝ լայն վարչական ռեսուրսի և անկախ վերլուծաբանների աջակցության պայմաններում։ Կարծում եմ, որ Գագաուզիայի բնակիչները ընտրություններին կմոտենան առավել քան ողջամիտ կերպով՝ հաշվի առնելով վերջին տարիներին Արցախի կորստի և արցախահայության բռնի տեղահանման փորձը»,- ընդգծել է քաղաքագետը։
Էդմոն Մարուքյանը հավանաբար դիտումների կարիք ունի․ Կարապետ Պողոսյան
Նոյեմբերի 9-ի հայտարարությունը հետպատերազմյան լավագույն հայանպաստ փաստաթուղթն էր․ Այվազյան
⚡️⚡️«Իրավունք» թերթի այսօրվա տպագիր համարում կարդացե՛ք...
Արդեն Փաշինյանի օրակարգի մեջ եք ու... պարտված․ Արա Պողոսյան
1
7108 դիտում
2
4094 դիտում
3
3448 դիտում
4
2466 դիտում
5
2301 դիտում
1
31604 դիտում
2
19805 դիտում
3
13816 դիտում
5
5054 դիտում
4
11599 դիտում
5
11556 դիտում
