«Ժողովուրդ» . «Ուժեղ Հայաստանում» թեժ է
Մամուլի տեսություն
«Ժողովուրդ» օրաթերթը գրում է. ««Ուժեղ Հայաստան» խմբակցությունում ներքին թեժ քննարկումներ են ընթանում՝ կապված Ազգային ժողովում հետագա գործունեության հետ։ Բանն այն է, որ Սամվել Կարապետյանի կալանավորումից հետո խմբակցությունում տարաձայնություններ են առաջացել՝ արդյոք ստեղծված իրավիճակում ճիշտ է շարունակել խորհրդարանական աշխատանքը, թե՞ պետք է բոյկոտել ԱԺ նիստերն ու հրաժարվել դրանց մասնակցությունից։
Մեր տեղեկություններով՝ խմբակցության մի հատվածը պնդում է, որ ստեղծված իրավիճակում պետք է ընդհանրապես չմասնակցել խորհրդարանի աշխատանքներին՝ այդ կերպ արտահայտելով իրենց քաղաքական դիրքորոշումը։
Մյուս թևը, սակայն, հակառակ կարծիքին է։ Նրանց համոզմամբ՝ ԱԺ աշխատանքների բոյկոտն իրականում նվեր կլինի իշխանություններին, քանի որ ընդդիմությունը կզրկվի խորհրդարանում իշխանության քայլերը քննադատելու, նախագծերին հակադրվելու և քաղաքական օրակարգ ձևավորելու հնարավորությունից։ Իսկ իշխանությունն էլ առանց ընդդիմության հակազդեցության կկարողանա իր օրենսդրական նախաձեռնություններն անցկացնել։
Խմբակցության ներսում առկա այս տարաձայնությունների ֆոնին ուշագրավ էր նաև խորհրդարանի երեկվա արտահերթ նիստը։ «Ուժեղ Հայաստան» և «Հայաստան» խմբակցությունները նիստին չէին մասնակցում, ինչի հետևանքով խորհրդարանական քննարկումները փաստացի անցան միատարր։ Նիստում զեկուցողը կարճ ներկայացրեց Թրամփի ուղուն առնչվող օրակարգային հարցը, ՔՊ պատգամավորները հարցեր չհնչեցրին, և քննարկումն արագ ավարտվեց։
Մեր տեղեկություններով՝ «Ուժեղ Հայաստանում» այս հարցի շուրջ քննարկումները դեռ շարունակվում են, և վերջնական որոշումը պետք է կայացվի նոյեմբերի 17-ին մեկնարկող հերթական նիստի ընթացքում։ Հենց այդ ժամանակ էլ պարզ կդառնա՝ խմբակցությունը կվերադառնա՞ խորհրդարանական ակտիվ աշխատանքին, թե՞ կընտրի ԱԺ աշխատանքների լիակատար բոյկոտի ճանապարհը։
Նշենք, որ «Ուժեղ Հայաստան» և «Հայաստան» խմբակցությունների պատգամավորները վերջին արտահերթ նիստին չէին մասնակցել, քանի որ որոշել էին միասին ներկա գտնվել ազատազրկման վայրում մահացած Արսեն Գևորգյանի հոգեհանգստի արարողությանը։
Մեր տեղեկություններով՝ Արսեն Գևորգյանի ընտանիքը խնդրել էր հոգեհանգստի արարողությունը չլուսաբանել և այն քաղաքական ենթատեքստով չներկայացնել։ Այդ իսկ պատճառով արարողության վերաբերյալ մանրամասներ չեն ներկայացվում։ Մեզ միայն հայտնի դարձավ, որ երկու ընդդիմադիր խմբակցությունների պատգամավորները մասնակցել են արարողությանը»։
Առավել մանրամասն թերթի այսօրվա համարում
Կալանավայրում սրտի կանգից մաhացել է «Ուժեղ Հայաստան»-ի Ստեփանավան համայնքի ղեկավարի թեկնածու Արսեն Գևորգյանը
Բանտում մահացել է Ստեփանավանի ընտրություններում «Ուժեղ Հայաստան»-ի թեկնածու Արսեն Գևորգյանը
Ի՞նչ է «ակնարկում» Չեխիայի դեսպանն իր կարմիր վարդով
Նիկոլի ռեպրեսիաների խորապատկերում՝ համախմբման նոր փորձ
1
7149 դիտում
2
4449 դիտում
3
3510 դիտում
4
2686 դիտում
5
2500 դիտում
1
31630 դիտում
2
19821 դիտում
3
13884 դիտում
5
5062 դիտում
4
11605 դիտում
5
11556 դիտում
