ՍԻՄ նախագահը կուսակցության գրասենյակում ընդունել է ՄԱՍԿ նախագահին Սա գաղափարական հենքի վրա ձեւավորված միասնություն չէ․ Արամ Սարգսյան Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք... Թող իրենց բողոքն ուղղեն տոմս գնողների դեմ․ Կարեն Ղազարյան Հանրապետության շրջանների զգալի մասում սպասվում են տեղումներ Էլեկտրաէներգիայի պլանային անջատումներ Ռուսաստանը պատրաստվում է ոչնչացնել Կիևի կամուրջներն ու ողջ էներգետիկան Եվրահանձնաժողովը կանխատեսում է, որ Ուկրաինայում հակամարտությունը կշարունակվի առնվազն մինչև 2028–ը Սկսվել է Պուտինի և Սի Ցզինպինի հանդիպումը

Թուրքիան իրեն Կովկասի և Եվրոպայի միջև տրանսպորտային կապի ապահովման կենտրոնական օղակ է անվանել

Թուրքիայի արտգործնախարար Հաքան Ֆիդանը նշել է, որ երկիրն առանձնանում է որպես տրանսպորտային հասանելիության տեսանկյունից Եվրոպան, Սև ծովը, Կովկասն ու Կենտրոնական Ասիան կապող հանգույց։

 

«Թուրքիայի կենտրոնական դերը, անշուշտ, գնահատում են բոլորը։ Մենք պետք է ստանձնենք այդ դերին համարժեք պատասխանատվություն՝ թե՛ լուծումներ առաջարկելով, թե՛ օրինակ ծառայելով»,- հավելել է նա Բելգիայի մայրաքաղաք Բրյուսելում՝ Եվրոպական միության արտաքին գործերի խորհրդի շրջանակում կայացած միջտարածաշրջանային անվտանգության և փոխկապակցվածության հարցերով նախարարական երկրորդ հանդիպումից հետո։

 

Ֆիդանն ընդգծել է հանդիպման կարևորությունը՝ դրա թեմատիկայի և արդյունքների տեսանկյունից, ինչպես նաև կապակցվածության հարցերով ոչ միայն ռազմավարություններ մշակելու, այլև դրանց իրականացման ուղղությամբ կոնկրետ միջոցներ ձեռնարկելու անհրաժեշտությունը։

 

Նա հայտարարել է, որ հանդիպել են ԵՄ անդամների և Կովկասի ու Կենտրոնական Ասիայի երկրների ներկայացուցիչների հետ և քննարկել, թե ինչպես կարելի է կապի համակարգեր ներդնել այդ տարածաշրջաններում և դրանց սահմաններից դուրս, ինչպես նաև առևտուրը, էներգետիկան և տվյալների փոխանցումն ավելի արդյունավետ ու անխափան դարձնել։

 

Ֆիդանը հայտարարել է, որ քննարկումները կենտրոնացած էին այն հարցի վրա, թե ինչպես կարելի է բարելավել տրանսպորտային հասանելիությունը՝ դասեր քաղելով Հորմուզի նեղուցում, Բաբ էլ Մանդեբի նեղուցում և Սև ծովում պատերազմների ու ճգնաժամերի հետևանքով առաջացած խնդիրներից, և ընդգծել է, որ Թուրքիան Միջին միջանցքի երթուղու երկայնքով կենտրոնական դիրք է զբաղեցնում Եվրոպայի, Սև ծովի, Կովկասի և Կենտրոնական Ասիայի համար։

Հավանեցի՞ր հոդվածը, կիսվիր ընկերներիդ հետ