Ցը՞մփ․․․ ԸՆԿԵՐ ՓԱՆՋՈՒՆԻ
Ընկեր ՓանջունիՇԱՌԻՑ, ՓՈՐՁԱՆՔԻՑ ՀԵՌՈՒ
Ըստ քաղտեխնոլոգների` այսպես կոչված, «միավորված ընդդիմությունը» Նիկոլի հրաժարականը չի պահանջում, քանի որ առանց Նիկոլի իրենց վիճակը չեն պատկերացնում, դրա համար, ընկած քուչեքը, անշառ թղթեր են բաժանում։
**
ՀԻՆ ԱՍԱՑՎԱԾՔԸ` ՆՈՐՈՎԻ
(ՆԻԿՈԼԻ` ՀԱՅԱՍՏԱՆԸ 20 ՏԱՐԻ ՀԵՏՈ ԿԱՐՈՂ Է ԴԱՌՆԱԼ ԵՎՐԱՄԻՈՒԹՅԱՆ ԱՆԴԱՄ ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)
Եվրաէշեր մի սատկեք, 20 տարի հետո եվրայոնջեն կկանաչի, կուշտ ու կուռ կուտեք։
**
ՀԱՄԱՅՆՔԸ ՉՈՒԶԵՐ, ՀԱՄԱՅՆՔԸ ԶՈՐԱՎՈՐ Է։
(ՏԻԳՐԱՆ ԱՎԻՆՅԱՆԸ ԵՐԱԺՇՏԱԿԱՆ ԴՊՐՈՑԻ «ՈՒՌՈՂ» ՏՆՕՐԵՆԻՆ ԱՇԽԱՏԱՆՔԻՑ ՉԱԶԱՏԵԼՈՒ ՊԱՏՃԱՌՆԵՐԻ ԿԱՊԱԿՑՈՒԹՅԱՄԲ)
Երաժշտական դպրոցի սաների ծնողները չեն ուզում, համ էլ խեղճ աղջկա ծխածն էլ տուֆտա քոլ էր։
**
ՑԸ ՞ՄՓ
Ըստ քաղտեխնոլոգների` Նիկոլի կողակցի կողմից քաղաքական դաշտում առաջացած աղմուկը լոկ երեւանյան խցանումներին չի՞ վերաբերում, այն նաեւ քաղաքական դաշտում առանձին հայտ ներկայացնելու ղալմաղալ է։
**
ՈՂԲ ՀԱՄԱՀԱՅԿԱԿԱՆ
(ՆԻԿՈԼԻ ԿՈՂՄԻՑ` ԸՆԴԴԻՄԱԴԻՐ ՊԱՏԳԱՄԱՎՈՐԻՆ «ԱՐՋ ՔՈՐՈՂ» ԱՆՎԱՆԵԼՈՒ ԿԱՊԱԿՑՈՒԹՅԱՄԲ` ՄՈՎՍԵՍ ԽՈՐԵՆԱՑՈՒ ՈՃՈՎ)
Ողբամ քեզ, հայ ժողովուրդ, Հյուսիսային ազգերի մեջ վեհագույնդ, քանզի իշխանություններդ խոզ խանձող են, ընդդիմությունդ` արջ քորող։
**
ՀԱՅ ԺՈՂՈՎՐԴԻ ՄԱՂԹԱՆՔԸ` ԱԳ ՆԱԽԱՐԱՐ ԱՐԱՐԱՏ ՄԻՐԶՈՅԱՆԻՆ
(ԱԺ-ՈՒՄ ԱԳ ՆԱԽԱՐԱՐԸ՝ «ՄԵՌՆԵՔ ԷԼ, ԽԱՂԱՂՈՒԹՅՈՒՆԸ ՀԱՍՏԱՏԵԼՈՒ ԵՆՔ», ԸՆԴԴԻՄՈՒԹՅԱՆՆ ՈՒՂՂՎԱԾ ԽՈՍՔԻ ԿԱՊԱԿՑՈՒԹՅԱՄԲ)
Հանգչիր խաղաղությամբ…
