Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան Հայաստանի նկարիչների միությունը նոր նախագահ ունի Իրական դեպքեր, բարդություններ եւ նոր բացահայտումներ․ «Մոնթե» ֆիլմը շուտով մեծ էկրաններին

Մխիթարյա՞ն, թե՞ Սուչիչ. Կիվուն ընտրության առաջ է Ատալանտայի հետ խաղից առաջ

Միլանի «Ինտերի» կիսապաշտպան Հենրիխ Մխիթարյանը կարող է վերադառնալ թիմի մեկնարկային կազմ։

Գլխավոր մարզիչ Կրիստիան Կիվուն դեռ վերջնական որոշում չի կայացրել կիսապաշտպանության ձախ հատվածի վերաբերյալ, որտեղ տեղի համար մրցակցում են Հայաստանի հավաքականի նախկին ավագն ու խորվաթ Պետար Սուչիչը։

Ինչպես հայտնում է իտալական Sky Sport-ը, «Ինտերը» նախապատրաստվում է նոյեմբերի 22-ին Բերգամոյում կայանալիք «Ատալանտայի» դեմ արտագնա հանդիպմանը։ Հավաքականների խաղերից հետո Կիվուն գնահատում է ֆուտբոլիստների ֆիզիկական վիճակը։ Աղբյուրի փոխանցմամբ՝ կիսապաշտպանության կենտրոնում Նիկոլո Բարելայի և Հական Չալհանօղլուի տեղերը երաշխավորված են, իսկ երրորդ դիրքի համար պայքարում են 37-ամյա Մխիթարյանն ու Սուչիչը։

 

Սպասվում է, որ միլանյան ակումբը կգործի իր ավանդական 3-5-2 դասավորությամբ, որտեղ Մխիթարյանը կարող է զբաղեցնել ձախ կիսապաշտպանի դիրքը՝ մասնակցելով թե՛ գնդակի խաղարկմանը, թե՛ հարձակումների կազմակերպմանը։ Կիվուն վերջնական որոշումը կկայացնի առաջիկա մարզումների արդյունքներով։

Չնայած տարիքին՝ Մխիթարյանը շարունակում է առանցքային դեր խաղալ «Ինտերում»։ Ավելի վաղ La Gazzetta dello Sport-ը բարձր էր գնահատել նրա խաղը «Բոլոնիայի» և «Շախտյորի» դեմ՝ ընդգծելով, որ հայ կիսապաշտպանը նույնիսկ փոխարինման դուրս գալով էական ազդեցություն է թողնում խաղի ընթացքի վրա։

 

«Նա գինու նման է․ որքան մեծանում է, այնքան լավն է դառնում։ Նա մեզ համար հենասյուն է։ Երբ խաղադաշտ է մտնում, միշտ առավելագույնն է տալիս»,- ավելի վաղ թիմակցի մասին ասել էր Նիկոլո Բարելան։

Հիշեցնենք, որ Ա Սերիայի 12-րդ տուրից առաջ «Ինտերը» զբաղեցնում է մրցաշարային աղյուսակի 2-րդ հորիզոնականը։ «Ատալանտա» – «Ինտեր» հանդիպումը կկայանա նոյեմբերի 22-ին՝ Երևանի ժամանակով 23:45-ին։

 

Armsport

Հավանեցի՞ր հոդվածը, կիսվիր ընկերներիդ հետ