Մարզակոշիկների 1 մլն դոլարանոց հավաքածու և անձնական կենդանաբանական այգի. Դուբայի 16-ամյա բնակչի վիթխարի առանձնատունը (լուսանկարներ,)

Սահմանափակ քանակությամբ արտադրվող մարզակոշիկների հանդեպ սեր և միլիարդատեր հայր ունեցող 16-ամյա դեռահասը թույլատրել է լրագրողներին նկարահանել իր առանձնատունը, գրում է Daily Mail-ը:

Instagram-ում Money kicks կեղծանվամբ հայտնի Ռաշիդ Սաիֆ Բելհասան 1,5 մլն հետևորդ ունի, ապրում է Արաբական Միացյալ Էմիրություններում՝ ընտանեկան վիթխարի առանձնատանը: Տղան անձնական կենդանաբանական այգի ունի, որտեղ պահվում են առյուծներ, վագրեր, հովազներ, ընձուղտներ, արջեր և այլ էկզոտիկ կենդանիներ, որոնց թիվը գերազանցում է 500-ը:

Կենդանաբանական այգու այցելուների թվում հայտնի մարդիկ են, ինչպես, օրինակ, Մերայա Քերին, Կրիշտիանու Ռոնալդուն, Ռիհանան, Փերիս Հիլթոնը, Ջեքի Չանը: Նրանց պատվին անգամ կենդանիներ են անվանակոչվել:

«Ես չեմ սիրում ցուցամոլ լինել: Մենք հոգ ենք տանում բոլոր կենդանիների մասին: Քենիայում ես տեսել եմ, թե ինչպես են առյուծները սովամահ լինում, իսկ այստեղ նրանց ամեն օր կերակրում են», - ասել է երիտասարդ միլիարդատերը:

Money Kicks-ն ունի նաև սահմանափակ քանակով արտադրված մարզակոշիկների՝ մոտ 1 մլն դոլար արժողությամբ հավաքածու:

Անցած տարի Ռաշիդը հայտնվել էր լրատվամիջոցների ուշադրության կենտրոնում, երբ ծննդյան օրվա առթիվ Louis Vuitton Supreme լոգոյով և 200 000 ֆունտ ստեռլինգ արժողությամբ նոր «Ֆերարի» էր ստացել:

Այս թեմայով Կարդալ հաջորդը Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով » ՄԻՊ–ն անթույլատրելի է համարում Արգամ Աբրահամյանի վերաբերյալ ՔԿ–ի հաղորդագրությունը IMEI-ների միասնական գրանցում. ինչ հնարավորություններ և ինչ ռիսկեր է պարունակում համակարգը Երկրները հիմնականում պարտք վերցնում են ճգնաժամերի ժամանակ, իսկ եթե տեղի ունենա այդ ճգնաժամը, ապա այստեղ մենք արդեն ավելի խոցելի ենք լինելու Շիրակի մարզպետը հետեւել է Արթիկ համայնքում իրականացվող շինաշխատանքներին.Լուսանկարներ

Հավանեցի՞ր հոդվածը, կիսվիր ընկերներիդ հետ

Հետևեք մեզ Telegram-ում Բաժանորդագրվեք Iravunk-ի ալիքին Iravunk հավելված Ներբեռնեք և եղեք միշտ տեղեկացված