«Ապամոնտաժել Օպերայի տարածքի բոլոր սրճարանները». քաղաքացիները պահանջում են (սոցհարցում)

Թեպետ իրադարձությունների լուսանցքում հայտնվեց մայրաքաղաքի սրտում՝ Օպերայի շրջակայքում տեղի ունեցող իրադարձությունները, սակայն, այնուհանդերձ, քաղաքացիները շարունակում են պահանջել, որպեսզի քաղաքային իշխանությունները կատարեն իրենց խոստումը:

Հիշեցնենք, որ Երեւանի քաղաքապետարանը որոշեց ապամոնտաժել Օպերայի հարակից տարածքների սրճարանները, ընդ որում՝ դեռ պարզ չէ՝ այս գործընթացը որքան է տեւելու եւ արդյոք մասամբ է իրականացվելու, թե՝ ամբողջությամբ: Ինչեւէ,  Երեւանի քաղաքապետ Հայկ Մարությանը խոստացել էր, որ քաղաքին վերաբերող կարեւոր հարցերը պետք է որոշվեն հանրաքվեի միջոցով, ինչն այդպես էլ չդարձան իրականություն: Իսկ թե, ի վերջո, ինչպիսին է հանրային տրամադրվածությունները խնդրի վերաբերյալ՝ Iravunk.com-ը փորձում է պարզել սոցհարցման միջոցով` առաջարկելով մեր կողմից ներկայացված 10 պատասխանից ընտրել ձեր դիրքորոշմանն ամենահամապատասխանողը:

Այսպիսով՝ շուրջ վեց շաբաթ անցկացվող հարցմանը մասնակցել է 1026 մարդ եւ արդյունքներն այս պահին հետեւյալն են. հարցման մասնակիցների 17.45%-ը ճիշտ է համարում Օպերայի հարակից տարածքների սրճարանները քանդելը: 4.29%-ը սխալ է համարում դրանք քանդելը, քանի որ մարդիկ են դրա հետեւանքով մնալու գործազուրկ: 0.19%-ը, սակայն պնդում է, որ ավելի լավ է դրա փոխարեն, քաղաքի կենտրոնում 4 ծառ ավել լինի: 0.39%-ի համար լավագույն լուծումը սրճարանների մասնակի ապամոնտաժումն է: 0.29%-ը հիշեցնում է, որ սրճարանները կարեւոր են զբոսաշրջիկների համար: 1.66%-ը համոզված է, որ ավելի կարեւոր տարածքներ կան ժողովրդին վերադարձնելու:1.75%-ը գտնում է, որ քանդելը բիզնես եւ այլ շահեր է հետապնդում: 25.63%-ի գնահատմամբ՝ այս աղմուկով, պարզապես մարդկանց շեղում են լուրջ խնդիրներից: 0.49%-ն էլ դեռ զերծ է մնում որեւէ կարծիք հայտնելուց: Եվ շուրջ 47.86%-ը համարում է, որ պետք է ապամոնտաժել տարածքի ԲՈԼՈՐ սրճարանները: 

Հավելենք, որ վերոնշյալ պատկերը կարող եք փոխել հենց դուք՝ մասնակցելով քվեարկությանը՝ անցնելով հետեւյալ հղումով՝ https://iravunk.com/#poll_block , եւ ընտրելով ձեր տեսակետին ամենահամապատասխանող պատասխանը:

ՀՐԱՆՏ ՍԱՐԱՖՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝