Եթե այս տեղեկությունը հաստատվի, ապա ՀՀ տեղեկատվական անվտանգությունը կլինի լուրջ վտանգված. Աբովյան

Համացանցում եւ մամուլում պտտվում է տեղեկություն, ըստ որի` Ադրբեջանը գնել է Անդրկովկասյան խոշոր եւ ազդեցիկ ինտերնետ պրովայդեր ընկերության (Caucasus Online) բաժնեմասի 49 տոկոսը, որը նաեւ սնուցում է Հայաստանը ինտերնետ կապով։ Անդրադառնալով վերոնշյալին՝ ԱԺ «Բարգավաճ Հայաստան» խմբակցության քարտուղար ԱՐՄԱՆ ԱԲՈՎՅԱՆԸ տեղեկացրել է, որ պաշտոնական հարցումով շտապ դիմել է Բարձր տեխնոլոգիական արդյունաբերության նախարար Հակոբ Արշակյանին:

«Ապշած կարդում եմ այս նորությունը եւ հասկանում եմ, որ եթե հանկարծ այս տեղեկությունը հաստատվի, ապա Հայաստանի Հանրապետության տեղեկատվական անվտանգությունը կլինի լուրջ, լուրջ, լուրջ վտանգված։ Այո, 49 տոկոսը վճռորոշ բաժնեմասը չէ, սակայն Ադրբեջանի ձեռքում հայտնվում է լրջագույն ազդեցության լծակ մեր դեմ։ Պետք չէ անիմաստ եւ անգրագետ «լոլո կարդալ» իբր վտանգներն ուռճացված են, ախր միայն լիովին իրականությունից կտրված մարդիկ կարող են համարել, որ վտանգ չկա, եթե մեզ ինտերնետ սնուցող ընկերության կեսի տերը մեր թշնամիներն են։

Նվազագույնը թուրքերը եւ ադրբեջանցիները կարող են յուրաքանչյուր պահի վերահսկել դեպի Հայաստան ինտերնետ թրաֆիկը եւ իմանան թրաֆիկի ծավալների մասին։ Անվտանգության ոլորտում աշխատող յուրաքանչյուր մարդ ձեզ կբացատրի վտանգները։ Եվ պետք չի մեղադրել վրացական կողմին, իրենք արել են այն, ինչ նպատակահարմար են գտել, եւ եթե հանկարծ տեղեկությունը հաստատվի, ապա միակ մեղավորները կառավարության այն չինովնիկներն են, որոնք, «էշի ականջում քնած», թույլ տվեցին այսպիսի վտանգավոր զարգացումներ հայաստանյան տեղեկատվական անվտանգության ոլորտում», - շեշտել է Ա. Աբովյանը եւ, որպես հետգրություն, հավելել. «Նվազագույնը պետք էր ամեն գնով թույլ չտալ այս գործարքը, նույնիսկ գնելով այդ ընկերությունը։ Սա այն ծախսերն էին, որոնք ուղղակի պարտադիր պետք է արվեին»։

Այս թեմայով «Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան Ալիեւ-Փաշինյան մակարդակով կապիտուլյացիայի շարունակության ենք ականատես լինում. Խաչատրյան Սրանք պայթեցնում են մեր պատմությունը. Ալլա Հակոբյան Առավոտյան պատգամավորները կուղղեկցեն Սամվել Վարդանյանին Երեւանի քննչական տեղափոխող մեքենային Կարծես գժանոցի утренний обход-ի сводка լինի. Ալլա Հակոբյան