«Հրապարակ». Կենտրոնի թաղապետի գլխին ամպեր են կուտակվում. Մարությանը հակակրանք ունի նրա նկատմամբ

«Երևանի Կենտրոն վարչական շրջանի ղեկավար Ավետ Պողոսյանի ջրերը, ասում են, մի առվով չեն հոսում սկանդալային քաղաքապետ Հայկ Մարությանի հետ։ ՀԱԿ-ից սերված այս կադրի նկատմամբ, ասում են, Մարությանը հակակրանք ունի, Պողոսյանն էլ որտեղ նստում՝ Մարությանից է դժգոհում, թե՝ չի թողնում աշխատեմ։ Եվ հնարավոր է առաջիկայում Ավետ Պողոսյանը դառնա քավության նոխազ՝ ազատվի պաշտոնից, որը կլինի վերջին մեկ տարում Կենտրոնի երկրորդ թաղապետի ազատումը։
Իշխանությունը որոշել է երևանցիների դժգոհություններն ուղղորդել թաղապետի ուղղությամբ՝ քաղաքապետին մի անգամ էլ փրկելով պաշտոնանկությունից։

Փորձեցինք գլխին կուտակվող ամպերի մասին հարց տալ Ավետ Պողոսյանին։ Նա ասաց՝ հարցերը միայն գրավոր։ Առաջարկեցինք հանդիպել, զրուցել՝ դա էլ մերժեց։ Ասաց՝ մի քանի ամիս հետո, բայց արդյոք մի քանի ամսից նա պաշտոնին կլինի՞։ Ստիպված նրան մի հարցաշար ուղարկեցինք և երեկ փորձեցինք ճշտել՝ ստացե՞լ է մեր հարցերը ու ե՞րբ կպատասխանի։ «Երբ ժամանակը գա»,- սողոմոնյան պատասխան տվեց թաղապետը։
Մենք էլ որոշեցինք՝ «մինչև ժամանակը գա», մեր տեղեկությունները հրապարակել՝ առանց իր մեկնաբանությունների։ Առհասարակ, լավ կլիներ մարդուն պաշտոն տալուց առաջ փոքրիկ դասընթաց կազմակերպել՝ լրագրողների հետ աշխատելու ձևերը, տարրական էթիկա սովորեցնել»,-գրում է թերթը։
Նյութն ամբողջությամբ կարդացեք թերթի այսօրվա համարում:

Այս թեմայով Կրթություն չստացած ինտերնետային «աստղի» խոսքին այսօր ավելի շատ են կարեւորություն տալիս. ԴԱՎԻԹ ՄՇԵՑԻ Միջազգային հանրությունը մի ձեռքով մատ է թափ տալիս Ադրբեջանի վրա, մյուս ձեռքով ասում` շարունակիր. Հաջիյան Ուր հասան «Միասին»-ի քաղաքական բանակցությունները Ադրբեջանական կողմը առաջարկներին լուրջ չի վերաբերվելու, մինչեւ պետության գլխին չլինեն լուրջ ղեկավարներ. Խաչատրյան Հավանական է, որ գարնանը կլինեն սահմանային սրացումներ. Արեգ Քոչինյան