Աննա Հակոբյանի գործունեությունը պետք է քննության առարկա դառնա. քաղտեխնոլոգ

Ներքաղաքական վերջին զարգացումների մասին զրուցեցինք քաղտեխնոլոգ Արմեն Բադալյանի հետ:

Արմեն Բադալյանի դիտարկմամբ, Աննա Հակոբյանի գործունեությունն ուղղակի անհասկանալի է:

Ըստ մեր զրուցակցի, կան հարցեր, որոնք հստակեցման կարիք ունեն. 

«Նիկոլ Փաշինյանը նշում է, որ տիկնոջն ինքն է գործուղել Արցախ, այստեղ հարց է առաջանում, իսկ ի՞նչ նպատակով:

Գործուղման ուղարկում են պաշտոնատար անձանց, իսկ թե ի՞նչ հաստիք է զբաղեցնում Աննա Հակոբյանը և արդյո՞ք Նիկոլ Փաշինյանն է այդ հաստիքի ղեկավարը եղել, որ Աննա Հակոբյանին ինչ-որ տեղ գործուղի , հասկանալի չէ: 

Նիկոլ Փաշինյանը չէր կարող Աննա Հակոբյանին ինչ-որ տեղ գործուղել, նա կարող է միայն խնդրել նրան, սակայն այստեղ նորից հարց է առաջանում. Աննա Հակոբյանը ի՞նչ բարոյական աջակցություն պետք է մատուցեր»:

Արմեն Բադալյանի պնդմամբ, Աննա Հակոբյանը ոչ ռազմական գործիչ է, ոչ էլ ազատագրական շարժման ակտիվիստ:

«Այս բոլոր հարցերի պատասխանները կհնչեն, երբ կփոխվի իշխանությունը, որին կհաջորդի անկախ քննիչ հանձնաժողով:

Ո՞վ է Աննա Հակոբյանը, որ բանակին բարոյական աջակցություն ցուցաբերի: Նա եթե օրինակ լիներ հայտնի գրող, ինչպիսին Սիլվա Կապուտիկյանն էր, ապա ինչ-որ կերպ նրա ցուցաբերած բարոյական աջակցությունը հասկանալի կլիներ, սակայն նա իրենից ոչինչ չներկայացնող շարքային քաղաքացի է, որն այս պահին պարզապես վարչապետի կինն է»:

Քաղտեխնոլոգ Արմեն Բադալյանի կարծիքով, Աննա Հակոբյանն առհասարակ չափազանց իրազեկ է ներքաղաքական կյանքին, ինչպես նաև ըստ Մովսես Հակոբյանի՝ Աննա Հակոբյանն իրազեկված է եղել նաև ռազմական գործընթացներին:

«Հետագայում Աննա Հակոբյանի գործունեությունը պետք է քննության առարկա դառնա»:

Մեր այն հարցին, թե ինչո՞ւ հետագայում, եթե ոչ հիմա, Արմեն Բադալյանը նշեց հետևյալը.

«Հետագայում, որովհետև հիմա հետաքննիչ բոլոր մարմինները գտնվում են Նիկոլ Փաշինյանի տոտալ վերահսկողության տակ»:

Հայկ Գևորգյան 

Այս թեմայով Բարեգործական համերգ՝ նվիրված պատերազմում զոհված զինվորների վառ հիշատակին Արմեն Սարգսյանը որեւէ քայլ չի անելու. Մանթաշյան ԵՐԿՈՒ «ՆԵՌ», ԵՐԿՈՒՍՆ ԷԼ ՏԱՐԲԵՐ ԲՈՅԻ «Երբ մտավորականը սուս է մնում, ամեն մի հոգեկան, դավաճան շան տղա ծախում է մեր հայրենիքը». Արմեն Գրիգորյան «Հիմնադրամի գումարների մի մասը բաժանվել է Փաշինյանի համախոհներին». Արմեն Գրիգորյան