«Բորիս Մակիչյանի բուհը կարող է չկայացած է, բայց...». «Պրոգրես»-ի ռեկտոր

«Իրավունք»-ն այսօրվա իր համարում անդրադարձել է  կեղծ դիպլոմների վաճառքին, որի մասին հաղորդագրություն էր տարածել ԱԱԾ-ը:  Թեեւ պատկան կառույցը չի հայտարարել, թե  որոնք են այն մասնավոր բուհերը, սակայն մամուլում անուններ հրապարակվեցին` Գյումրու «Պրոգրես», «Ավետիք Մկրտչյանի»  անվան  համալսարան: Նաեւ Մայր Թերեզա բժշկական հաստատության  անունն էր նշվում, սակայն  «Իրավունք»-ի հետ զրույցում  բուհի ռեկտորը հերքել այդ տեղեկությունները: «Իրավունք»-ին այսօր կապ հաստատել հաջողվեց Գյումրու «Պրոգրես» համալսարանի ռեկտոր Ռաֆիկ Խաչատրյանի եւ  «Ավետիք Մկրտչյանի»  անվան համալսարանի ռեկտոր Լաուրա Մկրտչյանի հետ: Վերջինս հրաժարվեց  խնդրի առնչությամբ  որեւէ  մեկնաբանություն տալ, ավելին` ո՛չ հերքեց, ո՛չ հաստատեց այդ տեղեկությունները:

Իսկ «Պրոգրես»-ի ռեկտորն էլ մեզ հորդորեց օգտվել մեկ այլ լրատվամիջոցից, որին արդեն պարզաբանում տվել է:  Մասնավորապես Ռաֆիկ Խաչատրյանն ասել է. «...Մեզ մոտ իրոք չպարզաբանված հարցեր եղել են, որոնց պարզաբանումն ընթացքի մեջ է, աստիճանաբար պարզաբանում ենք: Ինչ վերաբերում է այդ մեծ աղմուկին, ես դրան համաձայն չեմ, որովհետև դիպլոմ վաճառել… Չեմ ընդունում դա՝ վաճառք կամ որևիցե բան, քանի որ դիպլոմն արժեք է, դիպլոմի համար վճարում են որպես ուսման վարձ...»:

«Իրավունք»-ը մասնավոր բուհերի  մասին մի քանի հարց ուղղեց  «Պրոգրես»-ի ռեկտորին: 

-Պրն Խաչատրյան, տեսակետ կա, որ մասնավոր բուհերի համակարգը չի կայանում...

-Ո՞վ է ասում` չի կայացել:

-Հյուսիսային համալսարանի ռեկտոր Բորիս Մակիչյանն է օրեր առաջ հայտարարել: Նույնիսկ ասում էր, որ...

-Բորիս Մակիչյանի բուհը կարող է  չկայացած լինի, բայց մասնավոր շատ բուհեր կան, որ կայացել են: Ո՞վ է ասում` չի կայացել: 

-Հյուսիսային համալսարանի ռեկտորը, ըստ էության,  մասնավոր բուհերի համակարգի չկայացման համար մեղադրում է իշխանություններին...

-Ամեն մարդ իրավունք ունի իր կարծիքը հայտնել: 25 տարվա համակարգ է, այքան  լավ կադրեր ենք տվել, աշխատանք ենք  տվել:շ

-Ըստ Ձեզ`   ԿԳ նախարար  Լեւոն Մկրտչյանն ինչ-որ քայլեր անո՞ւմ է մասնավոր բուհերի համակարգի  կատարելագործվելու  համար:

-Գիտեք, մասնավոր բուհերն ինքնուրույն են: Նրանք պետք է քայլեր անեն: 

Սոնա Դավթյան

Այս թեմայով ՇՏԱՊ. Լողավազանի տարածքից առևանգվել է բիզնեսմենի կին. առևանգողները եղել են ԱԱԾ կեղծ համազգեստով.Ով է նա Աշոտ Խաչատրյանը` ըմբշամարտի աշխարհի երիտասարդական առաջնության փոխչեմպիոն Անհասկանալի է, թե ինչո՞ւ է հղում կատարվում Ալմա-Աթայի հռչակագրի վրա. Խաչատրյան Կուրսկ ամերիկյան մասնավոր ռազմական կառույցի ներխուժումը վկայում է ԱՄՆ-ի ներգրավվածության մասին. ՌԴ ԱԳՆ Եթե չափի զգացում ունես, ոգեւորվածության միջից կարողանում ես ընտրել. Արսեն Խաչատրյան