Ի դեմս Գերասիմ Վարդանյանի` փորձում են բանտ նստեցնել հայրենիքի նվիրյալ հայի տեսակը. Կարապետյան
Ներքաղաքական«Տեղեկացանք, որ Գերասիմ Վարդանյանի կալանավորման միջնորդության քննարկումը տեղի կունենա այսօր՝ ժամը 20։00-ին: Նախագահող կարգել են դատավոր Դավիթ Արղամանյանին։ Դավիթ Արղամանյանը` մոտավորապես դատավոր Արմեն Դանիելյանի «քույրն է», ուստի` քիչ հավանական եմ համարում նրա կողմից արդարադատության իրականացում։
60 միլիոն Գերասիմ Վարդանյանը չունի, որովհետեւ երբեք թալանով չի զբաղվել, երբեք ամբիցաներ չի ունեցել ու միշտ պայքարել է գաղափարի համար։ Ընդ որում` Գերասիմը պատրաստ է բանտ նստել հանուն գաղափարի (մեր բոլոր զրույցներում ինքը դա պնդել է, ինչպես նաեւ իր հպարտ տեսակին համաձայն չի ցանկանում, որ իր փոխարեն գրավը վճարեն), բայց արդյո՞ք ժողովուրդը, գաղափարակիցները, կուսակցական ընկերները, պատրաստ են տեսնել նրան անազատության մեջ։
Օրինակ ես՝ ոչ, իսկ դրա համար մենք բոլորովս՝ ժողովրդով, անհրաժեշտության դեպքում համախմբված կերպով պետք է լուծենք գրավի հարցը, որովհետև դա մեր հարցն է՝ ի դեմս Գերասիմ Վարդանյանի փորձում են բանտ նստեցնել հայրենիքի նվիրյալ հայի տեսակը։
Ինձ պետք չէ հիշեցնել, թե Գերասիմ Վարդանյանի հետ քանի միլիոնատեր է քայլում փողոցում, որոնց համար այդ 60 միլիոնը վճարելը խնդիր չէ, միգուցե նաեւ ուրախ կլինեն վճարել։ Բայց դա պետք է անենք մենք՝ ժողովուրդս, որովհետեւ Գերասիմ Վարդանյանը ժողովրդի տղան է, նա մեր սոցիալական վերելակից է, այդ իսկ պատճառով ես վստահում եմ նրան, մենք պետք է պայքարենք նրա ազատության համար. այս տեսակը միլիոններ չունի ու երբեք չի ունենալու, բայց հանրային աջակցություն ու հենարան պետք է ունենա, իսկ դա փակում է ցանկացած միլիոն։ Չկան անհաղթահարելի խոչընդոտներ, եթե նպատակը հստակ է եւ արդար», - գրել է քաղաքական մեկնաբան ԱՆԻ ԿԱՐԱՊԵՏՅԱՆԸ։