ՔԱՂԱՔԱԿԱՆ ՀՈՒՄՈՐ

(Կարդա՛լ բջջային տարբերակը)

ՆԻԿՈԼԱՎԻՐՈՒՍ

(ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ՀԱՅՏԱՐԱՐՈՒԹՅՈՒՆԸ)

– ԱՀԿ-ի տվյալներն ամբողջական չեն, կապիկի ծաղիկ Հայաստանում հայտնաբերվել էր դեռ 2018-ին, եւ ՀՀ քաղաքացիները վաղուց բնական իմունիտետ ունեն:

* * *

ՆԻԿՈԼԸ` ԻԼՀԱՄ ԱԼԻԵՎԻՆ՝ ՊԱՆԻԿՈՎՍԿՈՒ ՆՄԱՆՈՒԹՅԱՄԲ

– Իլհամ Հեյդարիչ, իսկ ե՞րբ ենք բաժանելու մեր հողերը:

* * *

ՍԱՏԱՆԱՆԵՐԸ` ՆԻԿՈԼԻՆ

– Հավատա՛, որ վաղը, մյուս օրը մեռնես, դժոխքի դարպասների մոտ էլ են քեզ դիմավորելու՝ «Նիկոլ դավաճան»  վանկարկումներով:

* * *

ЧЁРНАЯ МЕТКА

(ԲԱՅԴԵՆԻՆ ԵՎ ԱՎԵԼԻ ՔԱՆ 900 ԱՄԵՐԻԿԱՑԻՆԵՐԻ՝ ՊՈՒՏԻՆԻ ԿՈՂՄԻՑ ՍԵՎ ՑՈՒՑԱԿ ՄՏՑՆԵԼՈՒ ԿԱՊԱԿՑՈՒԹՅԱՄԲ)

Ըստ ռազմական փորձագետների` Պուտինը Բայդենի սեւ թուղթը գրել ա արդեն...

* * *

ԻՇԽԱՆ ՍԱՂԱԹԵԼՅԱՆԻ ՏՐՏՈՒՆՋԸ

Լաոները ջրի պես գալիս են, ավազի պես մնում են իրենց տներում:

* * *

ՈՍՏԻԿԱՆՈՒԹՅԱՆ ՀԱՅՏԱՐԱՐՈՒԹՅՈՒՆԸ

(ՀԻՆ ԱՆԵԿԴՈՏԻ ՆՄԱՆՈՒԹՅԱՄԲ)

Կարմիր ու սեւ բերետավորները էնքան մարդ են բերման ենթարկել, որ միաժամանակ մի քանի տեղ են տեղավորել:

* * *

ՄԱԽԱԹՆ ԸՆԴԴԻՄՈՒԹՅԱՆ ՊԱՐԿՈՒՄ ՉԹԱՔՆՎԵՑ

(ՓՈԽՈՍՏԻԿԱՆԱՊԵՏԻ` «ՑՈՒՑԱՐԱՐՆԵՐԸ ԱՍԵՂՈՎ ՈՍՏԻԿԱՆՆԵՐԻՆ ԾԱԿՈՒՄ ԵՆ» ՀԱՅՏԱՐԱՐՈՒԹՅԱՆ ԿԱՊԱԿՑՈՒԹՅԱՄԲ)

Այնուամենայնիվ, լուրերը, ըստ որոնց՝ ոստիկանները ասեղի վրա են նստած, իրականություն են:

* * *

ՍԱՏԱՆԱ ԿԱ ՔԱՂԱՔՈՒՄ

«Դիմադրության» շարժումից հայտնում են, որ իրենք ոստիկաններին ասեղով ծակելու հետ կապ չունեն, ըստ ամենայնի, ԱԱԾ-ն ա ասեղներով սատանա բռնում: