Ուկրաինական նացիզմի հետ միասին` կվերջանա նաեւ ԱՄՆ-ի հեգեմոնիան. Նուրլան Դոսալիեւ

ՌԴ զինված ուժերը հատուկ ռազմական գործողություն են իրականացնում 21-րդ դարի նացիզմի դեմ` պաշտպանելով ոչ միայն ռուսական աշխարհը, այլեւ ՀԱՊԿ-ում, ԵԱՏՄ-ում եւ ԱՊՀ-ում նրանց դաշնակիցներին` միաժամանակ փրկելով Եվրոպան շագանակագույն ժանտախտից։ Այս մասին ընդգծեց տարածաշրջանային անվտանգության հարցերով ղրղզ փորձագետ, պահեստազորի գնդապետ ՆՈՒՐԼԱՆ ԴՈՍԱԼԻԵՎԸ` ԵՊՀ միջազգային հարաբերությունների ֆակուլտետի ռուսական ուսումնասիրությունների կենտրոնի, «Ինտեգրացիա եւ զարգացում» կազմակերպության եւ Եվրասիական փորձագիտական ակումբի կազմակերպած «ՀԱՊԿ-ի ներկան եւ ապագան. ՀԱՊԿ պայմանագրի 30-ամյակը եւ կազմակերպության ստեղծման 20-ամյակը» թեմայով քննարկման ժամանակ:

– Այլընտրանք չկա, ՌԴ զինված ուժերի հատուկ ռազմական գործողությունն Ուկրաինայում վաղ թե ուշ կավարտվի Ռուսաստանի լիակատար հաղթանակով: Ուկրաինական նացիզմի հետ ԱՄՆ-ի հեգեմոնիան էլ է վերջանալու։ ԱՄՆ-ը կդադարի լինել «աշխարհի կենտրոնն» ու նրա ժանդարմը: Աշխարհն այլեւս միաբեւեռ չէ, նոր պարադիգմը, որում աշխարհի բոլոր երկրները պետք է ապրեն, զարգանան եւ կառուցեն գործողությունների լավագույն ուղին, ԱՄՆ-ի ձեւավորած համաշխարհային միջավայրի փլուզումն է: Եվ սա է նորագույն ժամանակների հիմնական իրականությունը:

ՀՐԱՆՏ ՍԱՐԱՖՅԱՆ

Այս թեմայով Ունանյանը վնասվածքով կմենամարտի վտանգավոր Ռոնդինելլիի հետ Բիշքեկում ադրբեջանցիների բողոքների հետեւանքով չի ցուցադրվել Արցախի մասին պատմող Նորա Մարտիրոսյանի ֆիլմը ԱՊՀ տարածքում այս պահին վարակակիրների թվով առաջին տեղում ենք. Հրանտ Բագրատյան Աշխատանքային այցով Ղրղզստան է ժամանել ՀՀ վարչապետը Նիկոլ Փաշինյանի գլխավորած պատվիրակությունը ժամանեց Ղրղզստան