Ինչի մասին այսօր բարձրաձայնեց Ն-ը. Լիլիթ Գալստյանի դիտարկումը

«Շատ պարզ բառերով ծանր, շատ ծանր ու կործանարար բաների մասին ասեմ․․․ Հիշում ե՞ք, ձեզ համոզում էին, թե Արցախը տանք՝ հանգիստ կապրեք։ Նյութապաշտ ու անհայրենիք ստահակների մի ոհմակ այս թեզն ապացուցելու համար անգամ կասկածի տակ դրեց Արցախի հայկականությունը։ Մենք գոռում-գոչում էինք՝ Արցախը տալով բացում ենք մեր թիկունքը, տալիս ենք մեր անվտանգությունը, Արցախը մեր վահանն է, Արցախի անկումով բացում ենք թուրքի ճանապարհը դեպի Երեւան․․․ Այս պարզ միտքն ասում էինք ու ասում ենք շարունակ, տարբեր ձեւակերպումներով ու բառերով։ Մենք՝ Արցախ-Հայաստան, դրանք՝ լափաման ու նախկին։ Թե բա՝ խաղաղություն։ Այսօր խորհրդարանի վերջին օրը նա «ավետիս» ուներ հայ ժողովրդին, շատ հստակ ասելիք՝ Արցախը տվեցի, բայց սա դեռ վերջը չէ, ոչ մի երաշխիք, որ պատերազմ չի լինի։ Սրանք պատահական բառեր չեն․․․ Այս բառերի, իրականում՝ շարունակվող դավաճանության եւ կործանումի հետեւում, պատսպարվել է ու արդարանում է ձեր տված ձայնով։ /իրականում ձեզ, ինչպես միշտ, ստել է։ Իրենց նախընտրական ծրագրում խոստացել էին «անջատում հանուն փրկության»։ Եվ, ինչպես միշտ՝ էլի նախկիններն են մեղավոր․․․ Սողացող դավաճանություն․․․», - գրել է ԱԺ «Հայաստան» խմբակցության պատգամավոր ԼԻԼԻԹ ԳԱԼՍՏՅԱՆԸ: