«Առավոտյան ժամը 10:30-ին ես լինելու եմ ԱԺ-ի դիմաց՝ մասնակցելու թրքահպատակ իշխանությունների դեմ իրականացվող բողոքի պիկետ ակցիային»
Ներքաղաքական— Առավոտյան ժամը 10:30-ին ես լինելու եմ ԱԺ-ի դիմաց՝ մասնակցելու թրքահպատակ իշխանությունների դեմ իրականացվող բողոքի պիկետ ակցիային։ Թուրքի շահերը սպասարկողները «ժողովրդավարություն» գոչելով՝ փորձելու են ընդդիմադիր պատգամավորներից մի քանիսին զրկել մանդատներից. հիշեցնեմ, այն մանդատներից, որոնք ժողովրդի կողմից և նրանց ընտրությամբ տրվել էր նրանց՝ ԱԺ-ում իրենց բողոքները ու խնդիրները բարձրաձայնելու և դրանց լուծման ուղիները գտնելու նպատակով։ Սա ևս մեկ ապացույց է, որ այս իշխանությունները վարում են ապազգային, հակաժողովրդական, հակաօրինական գործունեություն։ Սրանք այդպես էլ չհասկացան, որ մանդատի պահպանման համար սրտդողում են միայն իրենցպեսները, իսկ ընդդիմադիր պատգամավորներից և ոչ մեկի համար մանդատը չի եղել նպատակ, այլ եղել ու մնում է իշխանական խունտայի դեմ պայքարի և ամեն անգամ նրանց ով լինելը ԱԺ ամբիոնից բարձրաձայնելու միջոց,— գրում է ՀՀԿ Ուսանողական կազմակերպության ներկայացուցիչ Գրիգոր Մարտիրոսյանը: