Ղումարբազության դեմ պայքարած Նիկոլ. բա ո՞վ ա ձեռքերդ բռնում. փակի բուքմեյքերական ընկերությունները
ԹեմաՉնայած նրան, որ վարչապետի աթոռը զբաղեցրած անձը, ժամանակին խոսում էր ղումարբազությունն արմատախիլ անելու, եւ այդ արատավոր երեւույթի դեմն առնելու մասին, արի ու տես, որ Նիկոլի իշխանության օրոք էլ ամեն մի թփի տակ «Վիվառո» կամ «Տոտո-Գեյմինգ»-ներ է բացվում, մինչդեռ քաղաքակիրթ երկրներում աշխատում են ազատվել նման չարիքից ու կործանարար երեւույթներից : Ավելին, տվյալ երկրի իշխանություններն էլ խաղամոլությունը համարում են շատ լուրջ հիվանդություն, եւ նման մարդկանց համար հատուկ կենտրոններ են բացում, որպեսզի նրանք կարողանան բուժվել այդ հիվանդությունից։ Մեր երկրում ծաղկող բուքմեյքերական գրասենյակների, դրանց անդառնալի հետեւանքների եւ պետական հովանավորչության անհասկանալի պատճառների մասին, Տեսաուղերձով հանդես է եկել մեր գործընկեր, մշտապես հանրային հնչեղություն ունեցող խնդիրները ուշադրության կենտրոնում պահող հանրությանը հայտնի լրագրող, Newsmedia.am էլ. օրաթերթի հիմնադիր-ղեկավար Գայանե Զարգարյանը, նախ հիշեցնելով.
-Բոլորս հիշում ենք, որ Կառավարության նիստերին Նիկոլը հայտարարում եւ հանձնարարում էր իր կաբինետի ներկայացուցիչներին` գնալ քողարկված, եւ իր ասած՝ բեթ-բեթ բուքմեյքերական գովազդների հետեւից: Նախ, Փաշինյան Նիկո՛լ. էդ կարող ա՞ բեթ-բեթ ասելով քողարկված գովազդ էիր անում… թե՞ մեսիջ էիր ուղարկում բուքմեյքերական ընկերություններին, որ պետք է այդ քողարկված գովազդների գումարները արագորեն հոսեն դեպի պետական բջուջե: Փաշինյան Նիկո՛լ, դու ընդհանրապես տեղյակ ե՞ս, որ քո ասած ղումարբազությւնը ներխուժել է ամենուր, շատ վաղուց նաեւ բանակ: Բոլորը գիտեն , որ քո ասած բեթ-բեթ քողարկված գովազդը ուղիղ առնչություն ունի «Վիվառոյի» հետ, կարող ա՞ վախենում ես Բադալյան ընտանիքին ուղիղ մոտ գնալ: Հա, կարող ա՞ եւ կաշկանդված ես…դե որովհետեւ մամուլը գրեց, որ իբր ընդդիմության ցույցերը ցրելու ժամանակ(ըստ մամուլում տեղ գտած բազում հրապարակումների) քո անկարող հայրենի ոստիկաններին՝ ուժայիններին , օգնության էին եկել «նինձյաները» հայտնի եղբայրները: Նիկո՛լ, երբ խրախուսում ես քո ուժայիններին, ովքեր օդում, ջրում, ցամաքում պաշտպանում են քեզ, ընտանիքիդ ու մեկ էլ ձերոնքականներին, գոնե թաքուն հարցրու՝ էս ինքնասպանությունների թվի ահռելի աճը ինչո՞վ ա պայմանավորված, խորացել ես, թե ինչու են այս աստիճան շատացել ինքնասպանությունները, ասեմ, հուշեմ, որ այս վարակիչ հիվանդությունը՝ղումարբազությունը շարունակում է ախտահարել հասարակությանը, քանդել մարդկանց տները, խեղել ճակատագրերը: Նիկո՛լ, դու հասկանում ե՞ս, որ ղումարբազությունը ներխուժել է բանակ: Հիմա, իբրեւ նախկին բարքերի դեմ պայքարող Նիկոլ, բայց ձեռքի հետ էլ լաաավ նախկինների դամը պահող Նիկոլ, ու խաղեր տվող նիկոլ. էս ո՞նց հասկանանք, որ Քոչարյանի անվան հետ կապվող ընկերությունների հետ էս պայմանագրեր ես կապում. հը՞ : Նիկոլ մեջդ ուժ գտի, տեր կանգնի.գոնե մեկ անգամ քո կողմից արված հայտարարությանը, ու փակի էդ բուքմեյքերական ընկերությունները, վերացրեք էս հասարակության ախտահարող աղետաբեր այս վարակը:
Ներկայացրեց ԻԼՈՆԱ ԱԶԱՐՅԱՆԸ