«Հանրային ձայնը» «սյուրպրիզներ» է խոստանում

«Իրավունքի» ունեցած տեղեկությունների համաձայն, վաղը՝ օգոստոսի 6-ին, տեղի կունենա ռազմական ոստիկանության նախկին սպա ՎԱՐԴԱՆ ՂՈՒԿԱՍՅԱՆԻ «Հանրային ձայն» կուսակցության հիմնադիր համագումարը, որտեղ բազմաթիվ «սյուրպրիզներ» են սպասվում նախ այն մասով, թե ովքեր են լինելու ներկա:

Ի դեպ, հայտնի է, որ վերոնշյալ կուսակցությունն իր հիմնական դրույթները խարսխել է Հայաստանը եւ Արցախը միասնական ու հզոր տեսնելու կարեւորագույն նպատակի վրա: Այսպիսով՝ կուսակցության հիմնական դրույթներն են՝ անվտանգություն, սոցիալական արդարություն, արտաքին քաղաքականություն, իրավունքի եւ օրենքի գերակայություն, տեղական ինքնակառավարում, կոռուպցիայի դեմ պայքար, տնտեսական քաղաքականություն, կրթության եւ գիտության ոլորտների քաղաքականություն, մշակույթ, ազգային փոքրամասնությունների իրավունքների պաշտպանություն:

Իսկ կանոնադրության մեջ «Հանրային ձայնը» ամրագրել է՝ պետական անվտանգության ապահովումը, արդյունավետ կառավարման մոդելի ներդրումը, ներքաղաքական կայունության հաստատումը, ժողովրդավարական ինստիտուտների եւ քաղաքական համակարգերի կայացման աջակցությունը, ընտրական համակարգերի կատարելագործում, հայի ազգային ինքնության պահպանմանն ուղղված ծրագրերի անցկացում, ՀՀ-ում քաղաքական, սոցիալական, տնտեսական եւ իրավական կառուցակարգերի կատարելագործում, կոռուպցիայի դեմ պայքար, հարկային վարչարարության թեթեւացում:

Նշենք, որ որպես կուսակցության ձեւավորման նախաձեռնող խմբի ղեկավար հանդես է գալիս «Հայոց հայրենիք» կուսակցության նախագահ ԱՐՏԱԿ ԳԱԼՍՏՅԱՆԸ:

ՀՐԱՆՏ ՍԱՐԱՖՅԱՆ

Այս թեմայով Կառավարվող վարձկանների մի ոհմակ հարձակվել է Բագրատ Սրբազանի վրա՝ փորձելով նրան պիտակավորել. Լիլիթ Գալստյան Իշխող թեւը ամեն ինչ անում է նեղացնելու ընդդիմադիրների օղակը. անկախ ավագանիներին դուրս են թողել հանձնաժողովներից Ինչ իրավիճակ է Կիրանցում հիմա. Արթուր Վարդանյանը մանրամասնում է Ժամը՝ 09:00-ին բոլորս հավաքվում ենք Օպերայի մոտ. Վարդան Ղուկասյանի հրատապ հայտարարությունը Հայր եւ որդի պատրաստվում են ընտրությունների