Փաշինյանի եւ իր խունտայի համար մեկ-երկու զոհը կամ 1500-ն ընդհանրապես նշանակություն չունի. Վարդանյան

ՀՀԿ խորհրդի անդամ ՏԻԳՐԱՆ ՎԱՐԴԱՆՅԱՆԻ գնահատմամբ` քանի կա Նիկոլ Փաշինյանը, Հայաստանն ու Արցախը ապագա չունեն, բայց նաեւ պետք է անկեղծ լինենք մեր հասարակության հետ եւ ասենք, որ Արցախը, կարելի է ասել, անվերադարձ, կորցրել ենք: Ըստ նրա, եթե շատ չոր հաշվարկով նայենք` 75 տոկոսն Արցախի Ադրբեջանինն է, 25 տոկոսը` ռուսներինը: Ինչ վերաբերում է վերջին սահմանային լարվածության հետեւանքով զոհվածներին` նա նախ ցավակցություն հայտնեց հարազատներին, ապա ընդգծեց, որ Նիկոլ Փաշինյանը սպանել է ու սպանում է մեր հայրենակիցներին:

— Իրենք դագաղներով եկան իշխանության, կրկնապատկեցին Եռաբլուրն ու եղբայրական գերեզմանատունն Արցախում, ինչպես նաեւ հայրենի գյուղերում թաղված մեր զինվորիներին: Քանի սրանք կան, այդ մահերն անխուսափելի են: Այս իշխանության ապաշնորհ կառավարման պատճառով մոտ 10 հազարից ավել զոհ տվեցինք կորոնավիրուսի հետեւանքով: Այսինքն` սրանց համար մեկ-երկու զոհը կամ 1500-ն ընդհանրապես նշանակություն չունի, միայն թե սեփական իշխանությունը պահեն:

— Ի վերջո, ստեղծված իրավիճակում անելիքը քաղաքական այրերի՞նն է, թե զինվորական ղեկավարությանը:

— Գիտեք, զինվորականությունն անելիք ուներ նոյեմբերի 9-ից հետո, բայց բոլորս շատ լավ հիշում ենք, երբ իրենք հայտարարություն տարածեցին, որ Նիկոլ Փաշինյանը դավաճան է, սա է, նա է, բայց, ցավոք, դա արեցին, երբ նույն Նիկոլ Փաշինյանը խոսեց իսկանդերի 10 տոկոս մարտունակ լինելուց: Այսինքն` դեպքերը շատ լավ հիշում ենք, թե ինչպես զարգացան: Հետո էլ վազեցին դատարաններ, որպեսզի իրենց պաշտոնները պահեն: Կա՛մ դու դուրս ես գալիս Նիկոլի դեմ ու պայքարում ես մինչեւ վերջ` առանց մտածելու, որ կարող է քրեական գործ հարուցեն քո վրա, ընտանիքիդ անդամների վրա ինչ-որ ճնշումներ լինեն, կա՛մ  ղզիկի նման վազելու ես դատարան: Ամենայն հարգանքով` մի քանի ուսադիր կրող մարդկանց նկատմամբ, բայց, որպես այդպիսին, գեներալիտետ այս պահին մենք չունենք: Բոլոր նրանք, ովքեր իրենց գեներալ են համարում, բայց Նիկոլ Փաշինյանն ու պատմության ուսուցիչը մտնում են գլխավոր շտաբ, իրենք ոտքի են կանգնում, զգաստ սպասում են, որ կիսատ-պռատ հրամաններ ստանան ու «չեստ» տան, ես նրանց մեջ գեներալ չեմ տեսնում: Իրենք ավելի լավ է շրջազգեստ հագնեն ու գնան գիշերներն ակումբներում պարեն, ոչ թե այդ ուսադիրները կրեն:

Այս թեմայով Մենք իրավունք չունենք երկմտելու, կասկածելու, հետ կանգնելու մեր նպատակներից. Տ. Գաբրիել քահանա Վարդանյան Ով է փորձում խլել Հայաստանի փոքրիկ երգիչների շենքը. Փակագծեր է բացում Տիգրան Հեքեքյանը «Ապագա կա» ասողները կործանել են երկրի ապագան. Աղվան Վարդանյան Իշխող թեւը ամեն ինչ անում է նեղացնելու ընդդիմադիրների օղակը. անկախ ավագանիներին դուրս են թողել հանձնաժողովներից Ինչ իրավիճակ է Կիրանցում հիմա. Արթուր Վարդանյանը մանրամասնում է