Միանում ենք դեսպան Էդգար Ղազարյանի առաջարկներին. հայտարարություն

Ներքաղաքական 11 Օգոստոս, 2022 23:56

Սիրելի՛ հայրենակիցներ.

Նույնիսկ այս ազգակործան եւ թուրքամետ իշխանությունների երբեմնի կողմնակիցների համար էլ ակնհայտ է, որ ծրագրավորված կերպով իրականացվում է պետականությունը եւ երկիրը կործանելու քաղաքականություն:

Հայաստանի վայ-իշխանություններին «նվագակցում» են Արցախի արցախակործան իշխանությունները: Փաստ է, որ Հայաստանը եւ հայությունը երբեւէ հայտնված չեն եղել այսպիսի վտանգավոր և ծանր իրավիճակում: Կործանման տանող այս թափանիվը կանգ առնելու միտում չունի, ընդհակառակը՝ գնալով ավելի է թափ առնում, չնայած վերջին շրջանում մտահոգ հայության ծավալած բուռն ընդվզումներին:

Ամենաթարմ օրինակը, թերեւս, արտակարգ եւ լիազոր դեսպան, տնտեսագիտության թեկնածու, դոցենտ Էդգար Ղազարյանի մամուլի ասուլիսին արտահայտած դիտարկումներն են: Նա հիմնավոր եւ համոզիչ կերպով ներկայացրեց այն խորը հակասությունները, որոնք առկա են վարչապետի աթոռը զբաղեցնողի խոստումների եւ գործունեության միջեւ:

Մենք լիովին համաձայն ենք հարգելի դեսպանի արտահայտած տեսակետներին, կիսում ենք նրա մտահոգությունները եւ հայտարարում ենք, որ միանում ենք դեսպան Է. Ղազարյանի առաջարկներին:

Նաեւ կոչ ենք անում բոլորին՝ ս. թ. օգոստոսի 23-ին լինել Հանրապետության հրապարակում՝ ի պաշտպանություն ՀՀ Անկախության հռչակագրի անշեղ կատարմանը:

«Պահեստազորի սպաներ» շարժում

«Ձայն հայրենեաց» մշակույթի գործիչների շարժում

«Հայ ազգային գվարդիա» ՀԿ

«Ղարաբաղի պատերազմի վետերանների միություն» ՀԿ

«Իրավունքի և արժեքների գերակայություն» ՀԿ

«Վերադարձ» հիմնադրամ

Այս թեմայով