Իշխանությունը նիրհում է բազկաթոռներին ու ուրիշներին ասում է՝ եկեք մեր երկիրը պահեք. Սեյրան Օհանյան

ՔՊ-ականների եւ մերձՔՊականների կողմից ՀԱՊԿ-ի դեմ ուղղված քննադատություններին անդրադառնալով` ԱԺ «Հայաստան» խմբակցության ղեկավար, ՀՀ պաշտպանության նախկին նախարար ՍԵՅՐԱՆ ՕՀԱՆՅԱՆԸ հորդորեց նայել, թե ինչ աշխարհագրություն ունենք:

— Գտնվում ենք Արեւմուտքի եւ Արեւելքի հատման կետում, բայց ավելի շատ հավաքական անվտանգության տարածաշրջանին ենք մոտ: Էլ չասեմ, որ, որպես հետխորհրդային երկիր, ինտեգրված ենք եղել: Տարիներ ի վեր Հայաստանի Հանրապետությունը լուրջ աշխատանք է արել այդ ռազմաքաղաքական կառույցի ռազմական բաղադրիչի զարգացման համար: Երեք ուղղություններով մենք օրինակելի ենք եղել՝ օպերատիվ արձագանքման հավաքական ուժերի ձեւավորում, խաղաղապահ ուժերի ձեւավորում, ՀԱՊԿ ռազմական կոմիտե: ՀԱՊԿ-ում մեր առաջարկով է ստեղծվել ռազմական կոմիտեն, որում երկրների ԳՇ պետերը հարթակ են ստացել՝ իրավիճակը գնահատելու համար: Այսինքն, երբ մենք ենք եղել իշխանության, լուրջ աշխատանք է տարվել: Խոսելով ներկայի մասին` պետք է ասեմ, որ ամեն կառույց ունի առաջատար կողմեր եւ թերություններ: Նույն թերություններն էլ ունի ՆԱՏՕ-ն, դրանում էլ կան երկրներ, որոնք հակամարտում են: Օրինակ՝ Թուրքիան եւ Հունաստանը: Եթե ՀԱՊԿ որոշումների ընդունման ընթացակարգերում կան որոշակի թերություններ, ինչո՞ւ ենք դրանից հրճվում, ինչո՞ւ ենք ուրախանում: Իսկ այսօրվա իշխանությունն ի՞նչ է արել՝ ամրապնդելու համար ՀԱՊԿ-ում որոշումների ընդունման ընթացակարգերը: Էլ չասեմ, որ ՀԱՊԿ-ում մեր գլխավոր քարտուղարին փորձում էին ազատազրկել: Մինչեւ ՀԱՊԿ-ին դիմելը ՀՀ իշխանությունը ներսում պետք է որոշեր երկիրը մոբիլիզացնել, բանակի թիկունքն ամրապնդել: Տպավորություն է, որ իշխանությունը նիրհում է բազկաթոռներին ու ուրիշներին ասում է՝ եկեք մեր երկիրը պահեք: Ուրիշ երկրի զինվորը չի գա մեր փոխարեն մեր խրամատներում լինի:

ՀՐԱՆՏ ՍԱՐԱՖՅԱՆ

Այս թեմայով «Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան Ալիեւ-Փաշինյան մակարդակով կապիտուլյացիայի շարունակության ենք ականատես լինում. Խաչատրյան Սրանք պայթեցնում են մեր պատմությունը. Ալլա Հակոբյան Կարծես գժանոցի утренний обход-ի сводка լինի. Ալլա Հակոբյան Պատգամավորները երաշխավորություն են ներկայացնում՝ Աշոտյանի խափանման միջոց կալանքը փոխելու համար