Երբեք որեւէ մեկին չեմ սպառնում, բայց թող ՔՊ-ականները ծայրահեղ զգույշ լինեն. Գրիգորյան

ԱԺ պաշտպանության եւ անվտանգության հարցերով մշտական հանձնաժողովի նախագահ, ՔՊ-ական պատգամավոր Անդրանիկ Քոչարյանն ԱԺ ամբիոնից հայտարարել է, թե «Եռաբլուրում թաղվածները ոչ մեկի սեփականությունը չեն, բոլորինն են: Այնտեղ մեր զավակներն են, մեր բանակի ու պետականության զինվորները: Մեր դարպասները սկսվում են սահմանից եւ Եռաբլուրից, դրա համար ոչ մեկի առջեւ չպետք է փակվեն Եռաբլուրի դռները»:

«Իրավունք TV»-ի տաղավարում անդրադառնալով վերոնշյալին` արցախյան 44 օրյա պատերազմի մասնակից, «Մեկ առողջություն» կոալիցիայի ղեկավար ԳՐԻԳՈՐ ԳՐԻԳՈՐՅԱՆԸ նման ձեւակերպումն անհեթեթություն որակեց:

— Վերջին ժամանակներում ականատես եմ լինում շատ տխմար արտահայտությունների, նաեւ այն, թե 18-ից հետո երեխան արդեն ծնողներինը չէ, այլ հասարակությանն է: Կներեք, ես չեմ մեկնաբանում այդ անհեթեթությունները, բայց ուզում եմ հիշեցնել, որ բոլոր նրանք, ովքեր ուղղակի կամ անուղղակի աջակցել է այս հայրենադավերին իրենց դավադրության մեջ, ստանալու են իրենց արժանի պատիժը, առաջ Աստված: Ձեր կողմից նշված էակը բարոյական իրավունք չունի նույնիսկ արտաբերելու «Եռաբլուր» անունն իր կեղտոտ բերանով: Եռաբլուրի մասին խոսելիս` ՔՊ-ականները պետք է իրենց բերանը լվանան: Նկատի ունեմ նրանց, ովքեր համարում են, թե մեր տղաները զոհվել են հանուն ոչինչի, ովքեր խոսելով մեր նահատակ եղբայրների ու երեխաների մասին կփորձեն համեմատել ինչ-որ բանի հետ կամ արտահայտվել իբրեւ սովորական գոյականի: Այդ սրբապիղծ էակների ցանկացած արտահայտություն, ցանկանցած քայլ չի մոռացվելու: Ես էլ չլինեմ ողջ կամ իմ ընկերները, մարդիկ կան, որոնք այս ամենը հիշելու են, եւ եթե նրանց դեմը չգա, գալու է իրենց ժառանգների դեմը: Այնպես որ, նրանք պետք է ծայրահեղ զգույշ լինեն: Նրանց լկտիությունն ու սանձարձակությունը, որոնք այսօր դրսեւորում են Ազգային ժողովում, «շնորհիվ» նաեւ, այսպես կոչված, ընդդիմության է, որ համոզված են իրենց անպատժելիության մեջ: Ես երբեք իմ կյանքում որեւէ մեկին չեմ սպառնում, բայց Աստված առաջ, ամեն ինչ ընկնելու է իր տեղը: Հայքը հավերժ է, հայերը Աստծո ժողովուրդ են, սա անցնելու է գնա, բայց այն դասատուները, որոնք ստիպում են, որ մեր նահատակված տղաների նկարները դպրոցի պատերց հանեն` ասելով, թե սա գերեզմանատուն չէ, չեն մոռացվելու: Ինչ տարիքում էլ լինեն, ինչ սոցիալական կամ ընտանեկան կարգավիճակում էլ լինեն, անկախ նրանց սեռից ու տարիքից, պետք է պատասխան տան: Ու չի լինելու այնպես, թե` լավ, սխալվել էինք: Սա վերաբերում է բոլոր նրանց, ովքեր այսօր ենիչերիությամբ են զբաղված` ջարդելով սեփական ժողովրդին: Չի՛ ստացվելու:

ՀՐԱՆՏ ՍԱՐԱՖՅԱՆ

Հ.Գ.-Հարցազրույցն ամբողջությամբ դիտե՛ք տեսանյութում.

Այս թեմայով Սամվել Վարդանյանը դատարանից գնաց տուն Սամվել Վարդանյանի նկատմամբ տեղի ունեցածը ցնցել է իմ բանականությունը. Վահե Գրիգորյան Հույս մի ունեցեք, որ այս թեման մոռացվելու է, պետք է պատժվեն բոլոր մասնակիցները. Միքայել Գրիգորյան Դուք չեք կարողացել 44 օրյայի զոհերի անունները հրապարակել, 1,5 միլիոն զոհի անուն հրապարակո՞ղ եք Կեցցե Ոսկեպարը, Հայաստանը, կեցցե Հայոց բանակը եւ Հայ Առաքելական Սուրբ եկեղեցին. Արսեն Գրիգորյան