Նա հանրությանը դեռ շատ է զարմացնելու. ում հետ է զուգերգով հանդես եկել Վրեժ Կիրակոսյանը
ՄշակութայինԱշխարհահռչակ երգչուհի Մրայա Քերին եւ հանրահայտ կոմպոզիտոր Վալտեր Աֆանասիեֆը կարող են հանգիստ թոշակի անցնել: Նրանց լավագույն հիթ դարձած «Hero»-ը երգն ապահով ձեռքերում է:
Երեւանի Շառլ Ազնավուրի անվան մշակույթի եւ արվեստի պետական քոլեջի տնօրեն, երգիչ Վրեժ Կիրակոսյանը՝ քոլեջի ուսանողուհի Լարիսա Պրազյանի հետ նոր տեսահոլովակ է թողարկել։ «Hero» երգին Վրեժ Կիրակոսյանն ու Լարիսա Պրազյանը նոր շունչ տալով՝ հայ երաժշտասեր հանրությանը ներկայացրել են այն զուգերգի տեսքով։ Երաժշտության գործիքավորումն իրականացրել է Արմեն Ձամուկաշվիլին, տեսահոլովակը նկարահանել է ռեժիսոր Վարդան Գրիգորյանը (օպերատորներ` Գեղամ Հախվերդյան, Վարդան Ասատրյանը)։
«Լարիսա Պրազյանն իմ ուսանողուհին է՝ հրաշալի երգչուհի է լինելու: Նա հանրությանը դեռ շատ է զարմացնելու եւ փայլելու է աշխարհի տարբեր բեմերում», - դեռեւս մինչեւ տեսահոլովակը հանրության դատին հանձնելը՝ ասում էր Վրեժ Կիրակոսյանը, իսկ տեսահոլովակից հետո՝ հանրությանը մնում է միայն համաձայնել նրա հետ:
ՀՐԱՆՏ ՍԱՐԱՖՅԱՆ