Կատարյալ ֆիասկո` Սինանյանի գագաթաժողովում

Իրադարձությունների լուսանցքում մնաց Սփյուռքի գործերի գլխավոր հանձնակատար Զարեհ Սինանյանի կազմակերպած, այսպես կոչված, Համաշխարհային հայկական գագաթաժողովը, որից պարզվում է` դժգոհ են մնացել անգամ իշխանական վերնախավում:

Զարեհ Սինանյանին չի հաջողվել արդարացնել անգամ իշխանության սպասելիքները: «Իրավունքին» հասած տեղեկությունների համաձայն, հազիվ 600 հոգի մարդ է հավաքվել: Մինչդեռ մինչեւ Նիկոլ Փաշինյանի իշխանության գալը` 2017 թվականին տեղի ունեցած Հայաստան-Սփյուռք համահայկական 6-րդ համաժողովին մասնակցում էր ավելի քան 1500 անձ, այդ թվում` կարկառուն ներկայացուցիչներ սփյուռքյան առանցքային կառույցներից:

Հիմնական դժգոհությունը սինանյանական գագաթաժողովից այն է, որ ծախսվել է բավական լուրջ գումարներ պետբյուջեից` մոտ 309 մլն դրամ, իսկ արդյունքը եղել է կիսադատարկ դահլիճը: Սակայն, մի հարցում գերազանցել է Սինանյանը նախորդ Հայաստան-Սփյուռք համաժողովներներին: Թերեւս առաջին անգամ էր, որ սփյուռքյան գործիչները հավաքվում են մեկ հարկի տակ, ու քննարկման առանցքային թեման չի դառնում Հայոց ցեղասպանության ճանաչման եւ պահանջատիրության հարցը եւ Արցախը: Ավելին` ի սկզբանե ծրագրով նախատեսված էր, որ ազատ ձեւաչափով հանդիպում է լինելու ՀՀ արտաքին գործերի նախարարության, Անվտանգության խորհրդի եւ Արցախի Հանրապետության ներկայացուցիչների հետ, բայց վերջին պահին որոշել են սահմանափակվել ՀՀ արտաքին գործերի նախարար Արարատ Միրզոյանի հետ զրույցով:

ՀՐԱՆՏ ՍԱՐԱՖՅԱՆ

Այս թեմայով էլ ինչ լեզվով բացատրենք, որ ինչ արվում է, ժողովրդի համար չի արվում. Վահագն Մելիքյան Ավստրալիայում Զարեհ Սինանյանի ուղղությամբ շշեր են նետել Խոտանել խեղաթյուրված դասագիրքը. «Հայոց պատմություն» ապազգային դասագրքի մերժմանն ուղղված քայլեր կձեռնարկվեն Չեմ կարծում` Տիրան Խաչատրյանի կալանավորումն անհրաժեշտ պայման կարող էր լինել. Օհանյան Թող 2024 թվականը լինի խաղաղության հաստատման, կայուն զարգացման, նորանոր վերելքների տարի. ՆԳ նախարար