Ընդդիմությունն իր շոշափուկներով հանրային բոլոր հատվածներում պիտի լինի. Հովհաննիսյան
Ներքաղաքական«Այլընտրանքային նախագծեր» խմբի համահիմնադիր ՎԱՀԵ ՀՈՎՀԱՆՆԻՍՅԱՆԻ կարծիքով` ընդդիմության հանրահավաքները լավն են, թե լավը չեն, մի քիչ սուբյեկտիվ է: Պետք է հարց դնել, թե ինչ խնդիր են լուծում:
— Քանի դեռ պարզ չէ, թե ինչ խնդիր ենք դնում, դժվար է հասկանալ՝ լուծվե՞ց այդ խնդիրը, թե՝ ոչ: Հայկական գործոն այսօր գոյություն չունի թե՛ բանակցային, թե՛ տարածաշրջանի: Ունենք ընդդիմադիր ձեւաչափեր, որոնք ձեւավորվել են այլ իրողության մեջ: Այդ ձեւաչափերը կենսունակ չեն: Այսօրվա ընդդիմությունը մոնումենտալ է, կորցրել է լայն հասարակության հետ կապը, իր ընտրազանգվածների հետ կապը: Կենսունակ ընդդիմությունն իր շոշափուկներով հանրային բոլոր հատվածներում պիտի լինի, ունենա հետադարձ կապ: Մինչդեռ հիմա դա չկա: Հետեւապես, կա՛մ պետք է գտնել նոր ձեւաչափ, կա՛մ լինելու ենք անսպասելի վատ անակնկալների տարբերակում:
ՀՐԱՆՏ ՍԱՐԱՖՅԱՆ