Տեղի ունեցավ շատ բաց, անկեղծ և դրական քննարկում. Փաշինյանը՝ ՀԱՊԿ երևանյան նիստի մասին
Նիկոլ Փաշինյանը ցավով է նշում, որ Երևանում նոյեմբերի 23-ին կայացած ՀԱՊԿ Հավաքական անվտանգության խորհրդի հերթական նիստում չի հաջողվել ընդհանուր հայտարարի գալ երկու շատ կարևոր փաստաթղթերի վերաբերյալ: Սակայն, չնայած այդ հանգամանքին, Փաշինյանը դրական է գնահատում ՀԱՊԿ նիստի ընթացքում տեղի ունեցած քննարկումը:
վարչապետ Փաշինյանը կառավարության նիստում նշեց, որ տեղի է ունեցել շատ բաց, անկեղծ և դրական քննարկում:
«Այդ երկու փաստաթղթերն ուղարկվել են լրամշակման և ես հույս ունեմ, որ մենք կկարողանանք գալ ընդհանուր հայտարարի: Բայց ընդհանուր առմամբ, չնայած այն հանգամանքին, որ մենք չստորագրեցինք ՀԱՊԿ-ի հռչակագիրը և սեպտեմբերի 13-ի էսկալացիայի վերաբերյալ ՀԱՊԿ արձագանքի որոշումը և դրանք չընդունվեցին, ես ընդհանուր առմամբ դրական եմ համարում քննարկումը, դրական եմ համարում նաև Ռուսաստանի Դաշնության հետ երկկողմ ֆորմատում ունեցած բանակցությունները»,-ասաց Փաշինյանը՝ հույս հայտնելով, որ այն պայմանավորվածությունները, որոնք արձանագրվել են, հնարավորինս արագ կիրականացվեն:
Երևանում նոյեմբերի 23-ին կայացել է ՀԱՊԿ գագաթնաժողովը, որում նախագահել է ՀՀ վարչապետ Նիկոլ Փաշինյանը: Հայաստանը գագաթնաժողովի ընթացքում հրաժարվել է ստորագրել ՀԱՊԿ-ի հռչակագիրը և Ադրբեջանի ագրեսիայի հետ կապված Հայաստանին օգնություն տրամադրելու վերաբերյալ որոշման նախագիծը: Հայաստանը իր որոշումը հիմնավորել է այդ փաստաթղթերի ոչ լիարժեք լինելով:
1
1001 դիտում
2
968 դիտում
3
479 դիտում
4
478 դիտում
5
414 դիտում
1
2582 դիտում
2
2428 դիտում
3
1558 դիտում
4
1345 դիտում
5
1268 դիտում
1
3021 դիտում
4
1729 դիտում
