Ինչ «սեւ կատու է անցել» «Հայաստան» դաշինքի եւ «Վերածնվող Հայաստանի» միջեւ

«Հայաստան» դաշինքի մաս կազմող «Վերածնվող Հայաստան» կուսակցության պատգամավորներից երեքը՝ կուսակցության նախագահ Վահե Հակոբյանը, փոխնախագահներ Հռիփսիմե Ստամբուլյանն ու Ելենա Կիրակոսյանը դիմում են ներկայացրել` իրենց մանդատներից հրաժարվելու մասին: Ի՞նչ է իրականում տեղի ունեցել «Հայաստան» դաշինքի եւ «Վերածնվող Հայաստանի» միջեւ, ինչպիսի՞ քննարկումների թեմա էր նման որոշումը, մանրամասներ պարզեցինք ԱԺ «Հայաստան» խմբակցության քարտուղար ԱՐԾՎԻԿ ՄԻՆԱՍՅԱՆԻՑ:

— Քննարկումները թեժ չեն եղել, այլ` փոխադարձ հարգանքով: Մենք «Վերածնվող Հայաստան» կուսակցության նախագահ Վահե Հակոբյանի որոշումից տեղյակ ենք եղել: Մարտավարական առումով մենք համարում էինք, որ նաեւ ԱԺ-ում մանդատից բխող լիազորություններն օգտագործենք պայքարի մեջ, իսկ մեր գործընկերները համարել են, որ այն այնքան էլ արդյունավետ չէ` խորհրդարանական նման մեծամասնության պարագայում: Մնացած առումով գաղափարական տարաձայնություն չկա: Մեր եւ «Վերածնվող Հայաստանի» գնահատականներն այս իշխանության մասին չեն փոխվել: «Վերածնվող Հայաստանը» գտել է, որ Ազգային ժողովում պատգամավորական մանդատն այլեւս սպառված է: Իսկ մենք համարում ենք, որ դեռ հնարավոր է ինչ-որ բան փոխել: Հանրության համար անընդհատ պետք է բացահայտել այս իշխանության ապօրինի, հակապետական գործողությունները, որովհետեւ իշխանությունն ամեն ինչ ձեւախեղում է եւ հանրության մոտ տպավորություն ստեղծում, թե պատերազմի եւ պարտության համար մեղավոր են նախկինները:

 — ԱԺ «Հայաստան» խմբակցության պատգամավոր, ՀՅԴ-ական Իշխան Սաղաթելյանը վերջերս ակտիվ հանդիպումներ է ունենում Սփյուռքում: Սա խորհրդարան չգալու եւ նիստերին չմասնակցելու պատրվա՞կ է:

— Այդ հանդիպումները հայկական շահն առաջ տանելու համար են: Նրա աշխատանքը, որպես պատգամավոր, շատ արդյունավետ է: Պարտավորեցնող է նման հանդիպումներ ունենալը դրսում, քան նիստին մասնակցել-չմասնակցելը: Ընթացքը ցույց կտա ապագան: Մեր նպատակը ողջ հայության համախմբումն է ՀՀ-ի եւ Արցախի փրկության շուրջ:

Այս թեմայով Երեւանի սիրտը պետք է լցվի ժողովրդով, ամեն գնով սրանց պետք է հեռացնենք. Մարգարիտ Եսայան Տարածքները զիջելն իր մեջ նաեւ քրեական տարր է պարունակում. Սեյրան Օհանյան Եվրոպան ասեց՝ հոպ. Արթուր Խաչատրյան Կառավարվող վարձկանների մի ոհմակ հարձակվել է Բագրատ Սրբազանի վրա՝ փորձելով նրան պիտակավորել. Լիլիթ Գալստյան Իշխող թեւը ամեն ինչ անում է նեղացնելու ընդդիմադիրների օղակը. անկախ ավագանիներին դուրս են թողել հանձնաժողովներից