Մի լռեք պատերազմի առջև, որը Ադրբեջանը իրականացնում է հայկական հողի վրա, Մարսելը կաջակցի Արցախին․ Մարսելի քաղաքապետը Արցախի Հանրապետության նախագահի հետ հանդիպմանը
ՄիջազգայինԱշխատանքային այցով Ֆրանսիայում գտնվող Արցախի Հանրապետության նախագահ Արայիկ Հարությունյանը հանդիպել է Եվրախորհրդարանում Ֆրանսիայի պատվիրակության անդամների, ինչպես նաև Մարսելի քաղաքապետ Բենուա Փայանի հետ։
Հանդիպման առնչությամբ Մարդելի քաղաքապետ Բենուա Փայանի թվիթերյան իր միկրոբլոգում մի քանի գրառում է կատարել․ «Մի լռեք պատերազմի առջև, որը Ադրբեջանը իրականացնում է հայկական հողի վրա։ Մարսելը հայ ժողովրդի և Արցախի Հանրապետության նախագահի կողքին է։ Մարսելը պատրաստ է օգնել Արցախին։ Մենք լրացուցիչ միջոցներ կտրամադրենք Արցախին աջակցության համար»։
Եվրախորհրդարանում Ֆրանսիայի պատվիրակության անդամ Սիլվի Բռունեն էլ Արայիկ Հարությունյանի հետ հանդիպումից հետո գրել է․ «Մեմքն պետք է արժանին մատուցենք հայ ժողովրդի պայքարին։ Ֆրանսիայի և Եվրոպայի աջակցությունը պետք է լինի համապարփակ, իսկ համախոհությունը՝ անփոփոխ»։
Նշենք, որ Ֆրանսիա կատարած այցի շրջանակներում Արայիկ Հարությունյանի գլխավորած պատվիրակությունը արդեն հանդիպել է Սենատի, Ազգային Ժողովի անդամների, հայ համայնքի ներկայացուցիչների, Փարիզի քաղաքապետ Էն Իդալգոյի, Իլ դե Ֆրանս շրջանի ղեկավար Վալերի Պեկրեսի, Բուշ դյու Ռոն դեպարտամենտի խորհրդի, ինչպես նաև Պրովանս-Ալպեր-Կոտ դ'Ազուրի տարածաշրջանային խորհրդի անդամների անդամների հետ։ Նա նաև հանդես է եկել ծավալուն ասուլիսով ֆրանսիական առաջատար ԶԼՄ-երի առջև, ինչպես նաև առանձին հարցազրույցներ տվել։