Մարդ կա՞, որ Փաշինյանին լուրջ է վերաբերվում. Մամիջանյան

ԱԺ «Պատիվ ունեմ» խմբակցության ղեկավար ՀԱՅԿ ՄԱՄԻՋԱՆՅԱՆԻ գնահատմամբ` Նիկոլ Փաշինյանի ասուլիս կոչվածը հրավիրված էր մի քանի նախադասություն հնչեցնելու համար, եւ դրանցից մեկն այն անհեթեթությունն էր, որն ասաց` ՀՀ ռազմավարական դաշնակցի հետ կապված:

— Հերթական անգամ փորձեց մաքուր ադրբեջանական թեզեր հնչեցնել` ՄԱԿ-ի 4 բանաձեւերի հետ կապված, որոնք աշխարհում բացի Ալիեւ հորից եւ որդուց, իրենց տարբեր կալիբրի պաշտոնյաներից երբեք ոչ մեկից չեմ լսել: Այսինքն, փաստացի միայն ադրբեջանցիներն ու Փաշինյանն են խոսում այդ բանաձեւերից: Նույնիսկ պառլամենտական տիրույթում իր թիմակիցները չեն հանդգնում խոսել այդ մասին:

— ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Նիկոլ Փաշինյանի հայտարարությունները ռուսական առաջարկների վերաբերյալ՝ նշելով, որ դժվար է գնահատական տալ հայկական կողմի դիրքորոշմանը, երբ միեւնույն հարցի վերաբերյալ պաշտոնական Երեւանի դիրքորոշումը միանգամայն տարբեր է: Այս արձագանքը նշանակո՞ւմ է, որ ՌԴ-ն ՀՀ-ին այլեւս չի ընկալում` որպես լուրջ եւ վստահելի գործընկեր:

— Երկրագնդի վրա ինչ-որ մարդ կա՞, որ Փաշինյանին լուրջ է վերաբերվում, որ մի հատ էլ ՌԴ քաղաքական ինստիտուտները լուրջ ընկալեն: Տրամաբանությունը շատ պարզ է` Փաշինյանը մոտավորապես տասն անգամ ասել է, որ պատրաստ է ստորագրել ռուսական տարբերակը եւ պատրաստ է ստորագրել, պայմանական անվանենք` արեւմտյան տարբերակը, ինչը ֆիզիկապես հնարավոր չէ, որովհետեւ ռուսական տարբերակը ենթադրում էր Արցախի ինքնորոշման հարցի հետաձգում, իսկ հավաքական արեւմտյան տարբերակն Արցախյան հարց չէր ներառում: Մեր բոլոր եվրոպացի գործընկերները, որոնց հետ այս ընթացքում հասցրել եմ հանդիպել եւ զրուցել, ինձ պատասխանում են նույնը` իսկ ձեր կառավարությունը ինչ-որ պահանջներ ներկայացրե՞լ է: Այսինքն` Արցախի կարգավիճակի եւ ինքնորոշման հարցը, այսպես կոչված, պաշտոնական Երեւանի պահանջների շարքում չի եղել: Հիմա՝ ինձ ինչ-որ մեկը կարո՞ղ է բացատրել՝ ինչպե՞ս կարելի է միաժամանակ ստորագրել երկու՝ ահռելի քանակությամբ իրար հետ հակասություն ունեցող պայմանագրեր:

Այս թեմայով Պատգամավորները երաշխավորություն են ներկայացնում՝ Աշոտյանի խափանման միջոց կալանքը փոխելու համար Ալեքսանդրոպոլ 2 և թուրք կարգադրիչները. Հայկ Բաբուխանյան Պառլամենտական երկրում պատգամավորի կարգավիճակն արդեն իսկ ամրագրված հեղինալություն է. Աբրահամյան Արմեն Աշոտյանին ճանաչում եմ անհիշելի ժամանակներից, նույնիսկ հեղափոխությունից առաջ. Թագուհի Թովմասյան Քաղաքացու վերաբերյալ կայացվում են որոշումներ, որոնցից տեղյակ չէ, ինչպես ես՝ այս գործով. Աշոտյան