Օհանյանը հիշում է` ով է խաղաղություն ապահովում Արցախի ժողովրդի համար, բայց դեմ չէ նաեւ ԵՄ դիտորդներին

ՌԴ ԱԳ նախարար Սերգեյ Լավրովն իր ասուլիսի ժամանակ հայտարարեց, որ  Ադրբեջանի եւ Արցախի ներկայացուցիչները հանդիպել են, այնուհետեւ նա նշեց, որ շուտով Լաչինի միջանցքի հարցը հնարավոր է լուծվի: Նշենք, որ զուգահեռ այս հայտարարության հայաստանյան սոցցանցերում լուրեր տարածվեցին, որ ադրբեջանական կողմը որոշակի պահանջներ է դրել Արցախի ներկայացուցիչների առաջ, ինչի գնով էլ պատրաստվում են բացել միջանցքը: Այս ամենի վերաբերյալ Աժ «Հայաստան» խմբակցության ղեկավար ՍԵՅՐԱՆ ՕՀԱՆՅԱՆԻ գնահատականները միանշանակ են` Ադրբեջանն ակնհայտ նպատակ ունի Արցախը հայաթափելու:

— Այդ պայմաններում Ադրբեջանի ղեկավարությունը ազդեցություն է փորձում ունենալ ՀՀ ղեկավարության վրա՝ բացի Արցախը, Սյունիքում միջանցքի տրամաբանությամբ գործողություններ ծավալելու շրջանակներում: ՀՀ այսօրվա ղեկավարությունն ասում է, որ դրա պատասխանատուները ՌԴ-ն են ու Ադրբեջանը, բայց չհիշեցնելով մեր ժողովրդին, որ այդ փաստաթղթի տակ ստորագրել է նաեւ ՀՀ ղեկավարությունը: Եթե դու ստորագրել ես, որոշակի պատասխանատվություն, նաեւ դու պետք է զգաս: Արցախի ազատագրական գործողությունները նաեւ հիմք են հանդիսացել ՀՀ անկախ գործունեության ու Հայաստանի Հանրապետության եւ Արցախի համատեղ զարգացման: Այսօր Արցախը հայտնվել է այնպիսի իրավիճակում, որ այդ անկլավային վիճակը թույլ է տալիս, որ Արցախի ղեկավարությունը որոշակի չափով տեղային պայմաններում համապատասխան հարաբերություններ ունենա Ադրբեջանի իշխանությունների, տեղական ղեկավարների հետ: Թե ինչ են պայմանավորվել, ես տեղեկություններ չունեմ, բայց կարող եմ ասել, որ միջազգային հանրությունը, ՌԴ-ն, Մինսկի խմբի համանախագահ բոլոր երկրները պետք է ջանքեր գործադրեն՝ միջանցքը բացելու եւ Արցախի հումանիտար աղետը վերացնելու համար: ՀՀ իշխանությունները այսօր վախենում են ասել, որ տարիներ առաջ, ԽՍՀՄ օրենքների համաձայն, Արցախն ինքնորոշվել է նույն ժամանակահատվածում, նույն պայմաններում, ինչ` Ադրբեջանը, Հայաստանը: Այս իրավիճակում միանշանակ հարցի լուծումն ինքնորոշումն է:

— Պարոն Օհանյան, ինչպե՞ս եք վերաբերվում նրան, որ Եվրամիությունը պատրաստվում է դիտորդական առաքելություն ուղարկել Հայաստան` այն էլ բավական երկար ժամանակով:

— Պետք չէ Եվրամիության կողմից Հայաստան դիտորդական առաքելություն ուղարկելու հնարավորության դեմ հանդես գալ: Միեւնույն ժամանակ, կարեւոր է հիշել, թե ով է Հայաստանի գործընկերը, եւ ով է խաղաղություն ապահովում Լեռնային Ղարաբաղի ժողովրդի համար: Հայաստանը պետք է աշխատի բոլոր ուղղություններով: ԵՄ-ն մեր թշնամին չէ: Այնուամենայնիվ, ԵՄ-ն այս տարածաշրջանում որոշակի խնդիրներ ունի մեր ռազմավարական գործընկերների, մեր հարեւանների հետ: Նկատի ունեմ Ռուսաստանն ու Իրանը: Կարծում եմ, որ մենք չպետք է դեմ լինենք դիտորդական առաքելություններին, հատկապես, եթե այդ մարմինները կարողանան համապատասխան աշխատանք կատարել: Ընդ որում` դիտորդական առաքելությունը կարող է միայն արձանագրել իրավիճակի փոփոխությունները, եւ այդ ամենը ներկայացնել եվրոպական հարթակներում: Սակայն տվյալ հարթակները հնարավորություն չունեն որեւէ այլ միջոց կիրառել: Մենք պետք է հաշվի առնենք, թե ով է այսօր Հայաստանի գործընկերը, ով է խաղաղություն ապահովում Լեռնային Ղարաբաղի ժողովրդին, ում զորքերն ու զորամասերն են տեղակայված Հայաստանի Հանրապետության տարածքում, եւ ում հետ այսօր ունենք ռազմավարական գործընկերություն: Կա բոլոր ջանքերի գործադրման անհրաժեշտություն, որպեսզի ռուսական խաղաղապահ ուժերը հնարավորություն ունենան լիարժեք իրականացնել իրենց անմիջական պարտականությունները: Խոսքը, մասնավորապես, խաղաղապահության միջազգային մանդատի տրամադրման եւ դրանց թվաքանակի ավելացման մասին է: Այսօր Լեռնային Ղարաբաղի ժողովրդի անվտանգության երաշխավորը Ռուսաստանի Դաշնության խաղաղապահ ուժերն են, ինչպես նաեւ Արցախի Հանրապետության պաշտպանության բանակը: Հիշեցնեմ, որ ԼՂՀ պաշտպանության բանակը ստեղծվել է Լեռնային Ղարաբաղի ինքնորոշման սկզբնական փուլում` իր իրավունքների պաշտպանության եւ ինքնապաշտպանության իրականացման համար: Հետեւաբար, Ադրբեջանի ղեկավարության հայտարարություններն այն մասին, որ հայկական ուժերը պետք է դուրս բերվեն Լեռնային Ղարաբաղի տարածքից, անընդունելի են: Լեռնային Ղարաբաղում կան հայկական ուժեր, բայց ոչ Հայաստանի զորքեր: ԼՂՀ պաշտպանության բանակը ստեղծվել է բացառապես Լեռնային Ղարաբաղի ներուժի հիման վրա:

Այս թեմայով «Ժողովրդավարության բաստիոնում» տեղի ունեցածը հավերժ գրանցվելու է, որպես խայտառակությունն. Ալլա Հակոբյան Ալիեւ-Փաշինյան մակարդակով կապիտուլյացիայի շարունակության ենք ականատես լինում. Խաչատրյան Սրանք պայթեցնում են մեր պատմությունը. Ալլա Հակոբյան Կարծես գժանոցի утренний обход-ի сводка լինի. Ալլա Հակոբյան Պատգամավորները երաշխավորություն են ներկայացնում՝ Աշոտյանի խափանման միջոց կալանքը փոխելու համար