ԺՈՂՈՎՐԴԻ ՀԱՄԲԵՐՈՒԹՅԱՆ ԲԱԺԱԿՆ ԱՆՀԱՏԱ՞Կ Է
ՎերլուծությունԲելառուսի և Իրանի կառավարությունները ցավակցել են մեր 15 զիծառայողների մահվան կապակցությամբ: Երևի թե, առաջնորդվել են Հայաստանի կառավարչի պարկեշտության կանխավարկածով և ենթադրել, որ Հայաստանում սուգ է: Մինչդեռ գլխավոր գերագույն դավաճանն իր թիմակիցներով ջհանդամվել էր Իջևան` ուրախ քեֆ անելու: Հո ազերիներ կամ թուրքեր չեն մահացել, որ սրանք սգան:
ՀԱՆՐՈՒԹՅՈՒՆԸ Ե՞ՐԲ Է ԸՆԴՎԶԵԼՈՒ
Լրիվ սյուռեալիզմ է, անպատկերացնելի մի բան... «Սպարապետ» Պիսկեմ Սուրոն հրդեհի վայր բարեհաճում է գալ ողբերգությունից (կամ հանցանքից) երեք օր անց, չի ներկայանում հատուկ այդ հարցով ԱԺ Մարդու իրավունքների հանձնաժողովի նիստի, տխրահռչակ Ալեն Սիմոնյանը զինվորների խայտառակ կացարանի մասին ասում է` խրճիթ չէր, նորմալ տուն էր, գումարած դրան ՔՊ-ի զազրելի խնջույքը... Պիտի որ հանրությունը ալիքվեր, լցվեր փողոցները: Բայց առայժմ` ընդամենը երկու ցույց: Մեկը` ՊՆ-ի մոտ` Պապիկյանի հրաժարականի պահանջով, մյուսը` գերագույն կապիտուլյանտի դեմ, Հանրապետության հրապարակում:
Պաշտպանության նախկին փոխնախարար, ՀՀԿ ԳՄ անդամ Արտակ Զաքարյանը, սակայն, համոզմունք է հայտնում. «Այսպես շարունակվելու դեպքում` Երևանում պայթելու է համաժողովրդական ցասումը: Անդառնալի զայրույթի են հասցնում մարդկանց: Մի մասն անկարողությունից քիչ է մնում լաց լինի, մեծ մասն անթաքույց հայհոյում ու անիծում է: Վերահաս վտանգի, անորոշության ու անտերության զգացողություն է օդում կախված: Խուլ ու բաղաձայն դժգոհություն է հասունանում:
Նիկոլիզմի հանրային «հենարանն» այլևս ասելիք չունի և քայքայման եզրին է: Նիկոլիզմին պաշտպանող ցնդաբանություններն ավելի են բարկացնում մարդկանց` խորացնելով և սրելով դժգոհությունները: Լայն հասարակության համար, նրանց խաբեություններն այլևս պատրանքներ չեն ստեղծում:
Ուժային կառույցներում և պետական ապարատում մարդիկ մտովի կանգնել են երկու ընտրության առջև` ամսվա աշխատավա՞րձ, թե՞ երաշխավորված Հայրենիք: Մի կողմից տեսնում են «իշխանությունների» գործունեության հետևանքով պետության ու ժողովրդի գլխին կուտակված փորձանքները, մյուս կողմից` ստիպված են լռել ու սպասել: Այնինչ այդ համբերության բաժակն էլ է լցվում»:
Ինչ վերաբերում է նիկոլիզմի «հենարանի» քայքայմանը, ապա ՔՊ-ի ներքին հակասությունները բավականին ակնառու են: Նույնիսկ Նիկոլի «սրտի օմբուդսմեն» Քրիստինե Գրիգորյանը հրաժարական տվեց, իսկ ինչ վերաբերում է Պապիկյանին, ապա համացանցում նաև վարկած է պտտվում, որ Ազատ գյուղի զորանոցի դեպքերը կազմակերպվել են Սուրեն Պապիկյանից ազատվելու նպատակով: Եվ ընդհանրապես, շատ կասկածելի էր, որ Նիկոլը շտապեց հայտարարել կատարված «միակ ճիշտ վարկածը»: Նաև բազում` հարցականներ առաջացնող հանգամանքներ ու դետալներ հայտնի են դարձել հրդեհի գործով, որոնք մեկը մյուսի հետ չի բռնում...
Անշուշտ, դրանց մի մասը դաշտ նետած տեղեկատվական աղբ է, որի տակ խունտան թաղում է ինչ-որ բաներ, որոնց բացահայտումն անցանկալի է համարում: Միաժամանակ կասկածահարույց է` ինչու խունտայի քարոզչամեքենան այդքան հիսթերիկ հարձակվեց հրդեհի տեսանյութը ցուցադրած «5-րդ ալիքի» վրա: Այդ տեսանյութում պարզ երևում է, որ կացարանի քարե պատերը ԴՐՍԻՑ են այրվում... Իսկ հեռուստաընկերությանը մեղադրեցին գրեթե ռազմական գաղտնիք հրապարակելու, երկրի պաշտպանունակությանը հարված հասցնելու մեջ, հնչեցին պահանջներ` այդ ընդդիմադիր ալիքը փակելու: Չէ, այս վիժվածքները հաստատ թաքցնելու կարևոր բաներ ունեն:
Ի դեպ, դաշտ նետվեց նաև աբսուրդ, թե այրված զինկացարանը «նախկիններից» ժառանգություն մնացած էր: Մինչդեռ «նախկինների» օրոք Գեղարքունիքի այդ հատվածը խոր թիկունք էր, իսկ սահմանապահ/դիրքապահ զորամասը Քարվաճառում էր, ավելի քան 100 կիլոմետր հեռու: Բազում քաղաքացիներ էլ այդ ստերից վրդովված, սոցցանցերում հրապարակեցին այն բարվոք, տեղը տեղին կառուցված զորամասերը, ուր ծառայել էին Սերժ Սարգսյանի օրոք: Այն զորամասերը, որոնք այս թրքահպատակները հանձնեցին ոսոխին 2020-ի պայմանավորված պատերազմի ընթացքում:
Օդում զանգվածային խուլ զայրույթ է կախված, սակայն հարցական է` այն որպես ընդվզո՞ւմ կպայթի, որը սրանց սրբել-տանելու է, թե՞ «կլիցքաթափվի» բազում կաթվածների տեսքով: Պարգև սրբազանն էլ հրապարակավ նզովեց կապիտուլյանտներին...
Բայց Նիկոլը Նիկոլ չի լինի, եթե հանրայիրն ուշադրությունը վարպետորեն չշեղի: Արդեն փաստ է` հանրային ուշադրությունը գրեթե ամբողջովին շեղված է արդեն 44 օր տևող Արցախի պաշարումից: Ի դեպ, հայտնվեց շեղող մի երևույթ ևս` հայտնվեց ոմն վիժվածք ֆեմինիստուհի, ով հրապարակավ հայտարարեց, որ ուրախ է, որ ատելի տղամարդիկ 15-ով պակասեցին... Թվում է, թե ինչ-որ խելապակաս «պատահականորեն» ինչ-որ բան բարբաջել է, բայց այդպիսինները հայտնվում են «ճիշտ ժամանակին»: Ժամանակին թուրք ասկյարների տակ պառկող հակահիգիենիկ կապտամազիկի շուրջ սկանդալը դարձավ 2018-ի ազգակործան հեղաշրջման նախերգանք... Իսկ ինչի՞ նախերգանք է այս տղամարդատյաց նողկալի ֆեմինիստուհու սկանդալային հրեշավոր ելույթը: Երևակայելն իսկ վախեցնող է:
ԳԵՆԱՊՂԾՎԱԾՆԵՐԻ ԽՐԱԽՃԱՆՔԸ
Կյանքում թերևս առաջին անգամ Նիկոլը ճշմարտություն ասաց. «Տեղի ունեցած դեպքերի արձագանքներից որոշներն ի ցույց են դնում, որ մենք կարիք ունենք, բացի մակերեսին գտնվող փաստերից, խորանալ և հասկանալ պրոբլեմներն իրենց խորության մեջ: Իսկ պրոբլեմներն իրականում ոչ թե մակերեսին երևացողներն են, այլ նրանք, որոնք արտահայտվում են ամենատարբեր ոլորտներում, դրանք եթե կարելի է ասել, ԴՆԹ մակարդակի պրոբլեմներ են: Այդ խնդիրները շատ հաճախ ծագում են կարկատանի տրամաբանությունից դուրս գալու բավարար կամքի բացակայության պատճառով»: Ավելի ճիշտ` արդեն երկրորդ անգամ է խոսում «ԴՆԹ մակարդակի պրոբլեմի» մասին: Ճիշտ է ասում` պրոբլեմների աղբյուրը Նիկոլի և փոքր նիկոլների ԴՆԹ-ն է, չհայ, հակահայ գենետիկան: Ինչպես նկատել է Արմեն Աշոտյանը. «Նիկոլը, սեփական մահաբերությունն ու անբարոյականությունը կոծկելու համար այսօր կրկին ասել է, թե մեր հասարակության խնդիրները «ԴՆԹ մակարդակով են»: Հայ ժողովուրդը ԴՆԹ մակարդակում ընդամենը երկու պրոբլեմ ունի: Մեկը հին ազգերին բնորոշ «երեւանյան հիվանդությունն» է: Մյուսը՝ հայի ազգանունով քո նման գենետիկ մուտանտը»: Բայց խոշոր հաշվով, ինչքա՞ն են այդ «գենետիկ մուտանտները»: Կապիտուլյանտական ողջ վերնախա՞վն է... Թե՞ 2021-ի արտահերթ ընտրությունների ԿԸՀ արձանագրությունում պետք է փնտրենք այդ թիվը:
Բայց օրինակ Արտակ Զաքարյանը լավատես է. «Հայն արթնանում է: Հայի գենը նորից գլուխ է բարձրացնում ընդդեմ ներքին ու արտաքին թշնամիների: Հայը կրկին իր մեջ ուժ է փնտրում, և գտնելու է ու բռունցքվելու է` ինչպես Սարդարապատում էր, Արցախում էր, երկրաշարժի պատճառած մեծ աղետի օրերին էր...
Աստծո ստեղծած և պահած ժողովրդին բարոյազրկել, կոտրել, հայրենազրկել ու վերացնելը հնարավոր չէ՛: Հարյուր Նիկոլ էլ լինի` չի՛ ստացվելու:
Վերածնունդ լինելու՛ է»: Մենք էլ ենք լավատես` սերուցքը, ընտիր պասիոնար փոքրամասնությունը բռունցվելու է: Ճիշտ է, դրա մի մասն այրվել է 44-օրյա պատերազմի բոցերում, բայց այդ սերուցքը կա՛: Ապացույցը` չհանձնվող Արցախը: Բոլորս լցվեցինք անափ զայրութով, երբ տեսանք այն կադրերը, թե ինչպես են ազերի էկոտեռորիստները խցկվում երեխաներին Արցախ վերադաձնող ավտոբուսի մեջ և «զննում» այն: Բայց ինքը` փաստը, որ երեխաները վերադառնում են պաշարված Արցախ: Պաշարված Արցախում տեղի ունցած հարսանիքի կադրերն էլ տեսանք: Այսինքն` թշնամին սխալվել է իր հաշվարկներում, և պաշարումը չի լուծում Արցախը հայաթափելու խնդիրը:
Ի դեպ, ԴՆԹ-ի մասին արտահայտվել է նաև Ռուբեն Վարդանյանը. «Ինձ չի հետաքրքրում` ես կլինեմ պետական նախարար, թե` ոչ, ես այստեղ եմ այն մարդկանց հետ, ովքեր իմ աջակցության կարիքն ունեն, ոչ թե նրա համար, որ ես հարուստ եմ, այլ որովհետև ուզում ենք, որ Արցախից դուրս մարդիկ գիտակցեն, որ Արցախը ողջ հայ ժողովրդի ինքնության բանալին է, հայ ազգի ԴՆԹ-ի հազարամյա պահապանը»: Ճիշտ ձևակերպում է, որը նաև ցույց է տալիս, թե ինչու թուրքական գործակալները միշտ փորձել են ՀՀ մյուս քաղաքացիներին արցախցիների դեմ տրամադրել: Ինչու են այդքան ջանք ու ռեսուրս գործադրել «արցախյան կլանին» իշխանությունից զրկելու համար: Որպեսզի իշխանության բերեն գենապղծվածների «կլանին»:
ՀՈՎՀԱՆՆԵՍ ԳԱԼԱՋՅԱՆ