Պաշտպանություն խոսքով. բաներ, որոնք պետք է գաղտնի պահել ուրիշներից...

ժողովրդական իմաստությունն ասում է՝ «Լռությունը ոսկի է»։ Նման ասացվածքները զրոյից չեն ծնվում, և դրանց մեջ, անշուշտ, ճշմարտություն կա։ Եթե ականջալուր լինեք դրանց, կարող եք պաշտպանվել խնդիրներից ու տհաճ հետեւանքներից։

1. Ռոմանտիկ հարաբերություններ. Ցանկացած հարաբերություններում վաղ թե ուշ առաջանում են իրավիճակներ կամ դժվարություններ, որոնք ցանկանում եք կիսվել սիրելիների հետ։ Քննարկելով անձնական կյանքը, խորհուրդներ խնդրելով, գովելով կամ դատապարտելով զուգընկերոջը, մենք ինքներս չենք գիտակցում, թե ինչպես ենք դուրս տալիս սիրո էներգիան և ոչնչացնում ընդհանուր ներդաշնակությունը: Սերն ու զգացմունքները նրանց գործն են, ովքեր այդ հարաբերությունների մեջ են: Ձեր էներգիան վատնելու փոխարեն՝ ուրիշներին պատմելով բոլոր դժգոհությունները, պնդումներն ու վեճերը, ավելի լավ է զուգընկերոջ հետ քննարկեք խնդիրները և փորձեք համատեղ լուծում գտնել:

2. Առողջություն և հիվանդություններ. Շատ մարդիկ սովորություն ունեն բողոքել հոգնածությունից, հիվանդություններից և առողջությունից: Սակայն նման խոսակցությունները ոչ միայն համակրանք են առաջացնում, այլեւ թուլացնում են էներգիան ու կարող են հանգեցնել բարդությունների։ Բիոէներգետիկ ոլորտի մասնագետները խորհուրդ չեն տալիս գանգատների վրա վատնել օրգանիզմը վերականգնելու համար անհրաժեշտ ուժը։ Ձեր բժիշկը միակ մարդն է, ում հետ կարող եք քննարկել ձեր առողջությունը:

3. Ապրելակերպ. Անձնական բաները, ինչպիսիք են ձեր հավատքը, վատ սովորությունների նկատմամբ հաղթանակը կամ ձեր ինտիմ կյանքի մանրամասները, պետք է գաղտնի մնան ուրիշներից, եթե նրանք մարդիկ չեն, որոնց շատ եք վստահում: Կարիք չկա որևէ մեկի հետ կիսվել ձեր կենսագրության ամենաներքին գաղտնիքներն ու փաստերը. կա վտանգ, որ ձեր ապրելակերպը կարող է դառնալ սև նախանձի, կոնֆլիկտի կամ ծաղրի պատճառ:

4. Ֆինանսներ ու պարտքեր. Բիոէներգիայի մասնագետները խորհուրդ են տալիս կողմնակի մարդկանց հետ չկիսվել ձեր ֆինանսական խնդիրներով կամ հաղթանակներով: Հատկապես վտանգավոր է խոսել փողի սղության, պարտքերի ու վարկերի մասին։ Հայտնի է, որ փողը հզոր էներգիա ունի։ Քննարկելով ձեր ֆինանսական վիճակը, ծրագրերը, նպատակներն ու հեռանկարները՝ դուք կարող եք անգիտակցաբար օտարին փոխանցել ֆինանսական հաջողության բանալին՝ ձեզ զրկելով բարեկեցությունից և հարստանալուց:

5. Պլաններ և նպատակներ. Ժողովրդական իմաստությունն ասում է. «Եթե ուզում ես ձախողվել, պատմիր մարդկանց քո ծրագրերի մասին»: Առաջնորդվեք նախնիների իմաստությամբ և գաղտնի պահեք ձեր նպատակները։ Քննարկելով ձեր երազանքները ուրիշների հետ, ներկայացնելով պայծառ ապագան, դուք բացում եք մի ուղի, որով հոսում է ապագայի պլանների իրականացման համար անհրաժեշտ էներգիան: Բախտը կարող է շրջվել, և այդ դեպքում ձեր երազանքները կմնան անկատար: Ավելի լավ է ժամանակից շուտ չբացել դռները և էներգիան ուղղել դեպի մտադրությունների իրագործում։

6. Սիրելիների սխալներ. Մի քննարկեք մտերիմների պահվածքը ընկերների և ծանոթների հետ։ Ինչքան էլ ցանկանաք դժգոհել սիրելիի արարքներից, զսպեք ձեզ։ Քննարկելով և առավել եւս դատապարտելով մեկին, ով հոգեհարազատ է, դուք ոչնչացնում եք էներգիայի ալիքը, որը կապում է ձեզ: Նման խոսակցությունները կարող են հանգեցնել ոչ միայն մտերիմների կյանքում մի շարք անախորժությունների, այլեւ լիովին հեռացնել ձեզ միմյանցից։ Կենսաէներգետիկները խորհուրդ են տալիս բոլոր հարցերն ու թյուրիմացությունները լուծել անմիջապես տվյալ անձի հետ՝ առանց կողմնակի վկաների։ Ուշադրությունը, հոգատարությունը և աջակցությունը կօգնեն ձեզ հաղթահարել դժվար պահերը և ամրապնդել հարաբերությունները:

Հիշեք՝ որքան շատ մարդիկ իմանան ձեր կյանքի գաղտնի մանրամասների մասին, այնքան ավելի շատ արձագանքներ, նախանձ և քննադատություն կստանաք:

Աղբյուր` LADYNEWS.am