Հայաստանի Հարավային դարպասը եվրոպացիները մտադիր են դարձնել իրենց համար «գլոբալ դարպաս»

Սյունիքին Եվրոպան որոշել է առաջիկա հինգ տարիների համար շուրջ 51 մլն եվրո գումար տալ՝ պաշտոնական մեկնարկելով «Դիմակայուն Սյունիք Թիմ Եվրոպա նախաձեռնություն»-ը: Դե որտեղ միլիոնավոր եվրոներ, այնտեղ էլ երջանկացած պաշտոնյաներ: Ծրագրի մեկնարկի մասին ազդարարեց ԵՄ դեսպան Անդրեա Վիկտորինը, իսկ նրան շտապեցին ծափահարել ու մեկ լուսանկարում այլ եվրոպական երկրների դեսպանների հետ անմահանալ՝ փոխվարչապետ Մհեր Գրիգորյանն ու Սյունիքի մարզպետ Ռոբերտ Ղուկասյանը: Թվում է, թե նույնիսկ պետք էր հուզվել, որ Եվրոպական միությունը, Եվրոպական ներդրումային բանկը, ԵՄ անդամ երկրներ Ավստրիան, Ֆրանսիան, Գերմանիան, Լեհաստանն ու Շվեդիան, ինչպես նաեւ գործընկեր հանդիսացող Շվեյցարիան համատեղ նախաձեռնությամբ են հանդես եկել, որպեսզի Սյունիքը կարողանա դիմակայել: Մինչդեռ իրականում վերջիններիս նպատակը բոլորովին այլ է: Պարզվում է, որ եվրոպացիները նպատակն է Սյունիքը Հայաստանի հարավային դարպասը վերածել «գլոբալ դարպասի»:

Ըստ Եվրոպական հանձնաժողովի Հարեւանության եւ ընդլայնման հարցերով գլխավոր տնօրինության Հայաստանի, Ադրբեջանի, Բելառուսի եւ Արեւելյան գործընկերության բաժնի ղեկավար ԴԵՅՎԻԴ ՔԱԼԸՆԻ, մեկ միասնական եվրոպական ձայնով հանդես գալով՝ «Թիմ Եվրոպա»-ն գործընկերության եւ միաբանության վերաբերյալ հստակ ուղերձ է ուղարկում՝ աշխատելու միասին եւ կառուցելու ո՛չ ավել, ո՛չ պակաս «ներառական հասարակություններ»: Թե հիմա՞ մեզ որտեղ են ուզում ներառել, եվրոպացի չինովնիկի պաշտոնն արդեն իսկ հուշում է, բայց նա ավելի է անկեղծացել ու նշել. «Թիմ Եվրոպա» նախաձեռնությունները Եվրոպական միության նոր «Գլոբալ դարպաս» նախաձեռնության ու Տնտեսական եւ ներդրումային պլանի հետ միասին ԵՄ երկարաժամկետ արձագանքն են հարափոխ աշխարհաքաղաքական իրողություններին, երբ նոր մարտահրավերների լուծումները պահանջում են ջանքերի մեկտեղում եւ համատեղ գործողություններ»:

Ի դեպ, ըստ շրջանառվող լուրերի, այդ ծրագրերի կատարողների շարքերում հավակնում են լինել վերջին օրերին Աննա Հակոբյանի հետ Իրանի Իսլամական հանրապետության մայրաքաղաք Թեհրանում անցկացվող «Ազդեցիկ կանանց միջազգային առաջին համագումարին» հայտնված «Գրին Լայն» ընկերության ղեկավարությունից ՍՏԵԼԼԱ ՍԱՐՈՒԽԱՆՅԱՆԸ:

«Ինձ համար պատիվ է սիրելի տիկին Աննայի պատվիրակության անդամը լինել նման կարեւոր այցի շրջանակներում: Մի քանի օրից կվերադառնամ ու ավելի մանրամասն կներկայացնեմ այցի նպատակը, կարեւորությունը եւ առաջիկա համագործակցության հեռանկարները», - իր այցելության մասին ֆեյսբուքյան նման գրառմամբ՝ հաստատել է Ս. Սարուխանյանը:

ՀՐԱՆՏ ՍԱՐԱՖՅԱՆ

Այս թեմայով Ակնհայտ է, որ Արեւմուտքը հոգնել է այս ամենից. Մհեր Հակոբյան Ադրբեջանն ու Նախիջեւանը սպասում են այն օրվան, երբ Սյունիքը լրիվ կդատարկվի. Պողոսյան Պատերազմը չի ավարտվել, Ադրբեջանն ունի նոր հավակնություններ, ավելի ընդլայնվող ախորժակ. Համբարձումյան Եկեղեցու եւ Վեհափառ Հայրապետի դեմ 2018-ից սկսած 4-րդ մեծ հարձակումն է. 3-ը ձախողվել է (ԱՆՈՆՍ) Գնում ենք ինքնասպանության, ոչնչացման եւ մեղադրում բոլորին` բացի մեզնից. Արթուր Վարդանյան