Հարցս ռուսաֆոբներին՝ գիտե՞ք քանի ռուս-թուրքական պատերազմ եղել հանուն մեր պատմական Հայրենիքի չթուրքացման. Տեր-Եսայան

«Իրավունքի եւ արժեքների գերակայություն» իրավապաշտպան հասարակական կազմակերպության նախագահ ՍԱՐԳԻՍ ՏԵՐ-ԵՍԱՅԱՆԸ հիշեցնում է հերթական ռուս-թուրքական պատերազմից առաջ Ռուսաստանի կայսրության Ցար Նիկոլայի խոսքն՝ ուղղված կովկասյան ժողովուրդներին, որն ասել է. «Թուրքիայի հետ բանակցություններում մենք փորձում էինք խաղաղություն կնքել, բայց թուրքական կառավարությունը մեզնից պահանջում է հանձնել մեր լավագույն ամրոց Կարսը եւ մեր լավագույն նավահանգիստ Բաթումը։ Արեցինք ամեն ինչ, որպեսզի խաղաղ բանակցություններով համոզենք թուրքական կառավարությանը հրաժարվել այդ պահանջներից՝ ձգտելով պահպանել խաղաղություն Անդրկովկասում։ Մենք համաձայնեցինք մեծագույն զոհողությունների եւ զիջումների, չկարողացանք հրաժարվել մենք Բաթումից` այն մեր միակ ելքն է դեպի ծով, միակ ճանապարհը` քաղաքակիրթ Եվրոպայի հետ կապակցվելու։ Բայց մեր բոլոր ջանքերը ուղղված վեճը խաղաղ ճանապարհով լուծելուն` հանդիպեցին Թուրքիայի անդրդվելի համառությանը։ Մեր առջեւ հարց ծագեց՝ արդյո՞ք շարունակել Թուրքիայի հետ բանակցությունները այն ժամ, երբ նրա զորքը խորանում է մեր երկրի ներսում, թե` ընդհատել բանակցությունները եւ զենքին վստահել Անդրկովկասի պաշտպանությունը։ Թուրքիայի հետ մեր բանակցությունների հենց սկզբից մենք ասել ենք, որ Կովկասյան ժողովուրդը խաղաղություն է տենչում, բայց չի համաձայնվի առնել այն ստրկության եւ ամոթի գնով։ Խաղաղ բանակցությունները Թուրքիայի հետ ընդհատված են, այլեւս վեճը կորոշի զենքի ուժը` կռվի դաշտում։ Բոլորս զենք ենք վերցնում եւ սլանում դեպի ռազմաճակատ»։

Անդրադառնալով վերոնշյալին՝ Ս. Տեր-Եսայանը հարց է հղում. «Սա հերթական ռուս-թուրքական պատերազմն էր եւ հարցս ռուսաֆոբներին՝ գիտե՞ք արդյոք քանի՞ անգամ է ռուս-թուրքական պատերազմ եղել հանուն մեր պատմական Հայրենիքի Չթուրքացման»:

Այս թեմայով 1.5 միլիոն քո ազգիցդ կոտորվել է, եւ դու դա հարցականի տակ ես դնո՞ւմ, էլ ի՞նչ անուն տանք այս մարդկանց. թուրքագետ Ես պահանջատեր եմ, գործարքի մեջ չեմ մտնելու ու չեմ լռելու. Սարգիս Արզումանյան Երեւանի սիրտը պետք է լցվի ժողովրդով, ամեն գնով սրանց պետք է հեռացնենք. Մարգարիտ Եսայան Մի՛ վռազեք` կարծիք հայտնել ռուսների դուրս գալու հետ կապված, Արցախի հարցը փակված չէ. Իսրայելյան Կարծես գժանոցի утренний обход-ի сводка լինի. Ալլա Հակոբյան