Կամո Ունանյանը առաջին ռաունդում նոկաուտի ենթարկեց ուզբեկ մրցակցին

Երեւանում կայացավ «Mix fight 53» MMA մարզաձեւի խոշոր միջազգային մրցաշարը, որտեղ սպորտային կարատեի աշխարհի եւ Եվրոպայի չեմպիոն, Հայաստանի կարատեի միության հիմնադիր Կամո Ունանյանը մենամարտեց ուզբեկ մարզիկ Ալիմժոն Շադմանովի հետ։

Մարտը ընդամենը տեւեց 2 րոպե 58 վայրկյան, Կամո Ունանյանը հենց առաջին ռաունդում նոկաուտի ենթարկեց ուզբեկ մրցակցին։ Մարտը բավականին հաջող ընթացավ, քանի որ հայ մարզիկի կիրառած յուրաքանչյուր հնարք հաջողությամբ պսակվեց՝ առաջին իսկ րոպեներից մի քանի հարված հասցնելով Կամոն կարելի է ասել շարքից հանեց ուզբեկ մարզիկին, ապա՝ նոկաուտի ենթարկեց։

«Մենամարտին  նախապատրաստվելիս ուսումնասիրել էի հակառակորդիս մարտերը եւ գիտեի, որ բավականին պրոֆեսիոնալ մարզիկ է, լուրջ մրցակից, որը MMA մարզաձեւում 7 հաղթանակ ուներ։ Չէի պատկերացնում, որ հենց առաջին ռաունդում կհաղթեմ, բայց ամեն ինչ ի սկզբանե լավ ստացվեց»,- մեզ հետ զրույցում ասաց Ունանյանն ու համեմատելով MMA մարզաձեւում նախորդ հակառակորդների հետ՝ շեշտեց․ «Այս մրցակցի հետ մարտը թեպետ բավականին դժվար էր, բայց ինձ մոտ հեշտ ստացվեց։ Կցանկանայի, որ մարտն ավելի երկար տեւեր։ Հուսով եմ, հետագա մարտերում ավելի բարդ մրցակից կունենամ»,- հույս հայտնեց Կամո Ունանյանը։

Հիշեցնենք, որ MMA մարձաձևում սա Կամո Ունանյանի 4-րդ գերազանց հաղթանակն է, որից 3-ը՝ նոկաուտով։ Նա MMA մարզաձեւով սկսել է զբաղվել 2023 թվականից եւ արդեն գրանցել է 4 հաղթանակ ու ոչ մի պարտությունը։ MMA-ում նրա դեբյուտային մենամարտը տեղի ունեցավ այս տարվա մարտի 26-ին՝ Հայաստանում, որի ժամանակ Ունանյանը մրցեց ռուս մարզիկ Դանիլ Օլեյնիկի հետ եւ ջախջախիչ հաղթանակ տարավ։ Իսկ ապրիլի 30-ին մենամարտեց ռուս մարզիկ Սեմյոն Չինովի հետ եւ ընդամենը 20 վայրկյան պահանջվեց, որպեսզի Ունանյանը նոկաուտի ենթարկի մրցակցին։ Երրորդ հաղթանակը տարավ Ղըրղըզստանի  MMA-ի չեմպիոն 19-ամյա Տեմիրլան Էմիրլանովի նկատմամբ՝ մենամարտը տեւեց ընդամենը 40 վայրկյան, քանի որ Ունանյանը նոկաուտի ենթարկեց երիտասարդ մարզիկին։

Ի դեպ, Կամո Ունանյանը շուտով պայմանագիր կկնքի MMA-ի ամենալուրջ միջազգային վարկածներից մեկի հետ։ Այս մասին տեղեկացնում են Հայաստանի կարատեի միության լրատվականից:

Այս թեմայով Ալեքսին՝ Ալեքսանդր Թամանյանին` Շուրիկին՝ մահապարտների գաղտնի X ջոկատի հրամանատարին. Ալլա Հակոբյան ՀՀ եւ ԱՀ իշխանությունները դեռ ամիսներ առաջ տեղյակ էին Ադրբեջանի նախապատրաստվող ագրեսիայի մասին, բայց ոչինչ չարեցին այն կանխելու համար. Բաբուխանյան Ովքեր դատապարտում են Երեւանում սինագոգի հրկիզման փորձը, խորհուրդ եմ տալիս 20 հազար անգամ ավելի բարձր դատապարտեն ինչ անում են հրեաները հայերի հանդեպ Երուսաղեմում. Բաբուխանյան Ահա պատճառը, թե ինչու է Նիկոլը սրում հարաբերություններն Աբխազիայի հետ. Հայկ Բաբուխանյան Դրեք ձեր մանդատներն ու դուրս եկեք, ամո՛թ է․ Հայկ Բաբուխանյան