Ինչո՞ւ «Պատիվ ունեմ»-ը առաջադրեց, սակայն չքվեարկեց Մանվել Բադալյանի օգտին. 168.am
Ներքաղաքական
Ազգային ժողովում դեկտեմբերի 7-ին, Մանվել Բադալյանն ընտրվեց Մրցակցության պաշտպանության հանձնաժողովի անդամ: Ձայները բաշխվեցին հետևյալ կերպ՝ 84 կողմ, 0 դեմ:
Քվեարկությանը մասնակցել էին 107 պատգամավորներից 84-ը:
ԱԺ իշխող՝ «Քաղաքացիական պայմանագիր» խմբակցության ղեկավար Հայկ Կոնջորյանը հայտարարեց, որ «Պատիվ ունեմ» խմբակցության պատգամավորները չեն մասնակցել քվեարկությանը:
Հիշեցնենք, որ Մրցակցության պաշտպանության հանձնաժողովի անդամի թեկնածու առաջադրվել էր ընդդիմության քվոտայով: Մանվել Բադալյանի թեկնածությունը թեև առաջադրել էին «Հայաստան» և «Պատիվ ունեմ» ընդդիմադիր խմբակցությունները, սակայն ավելի ուշ «Պատի ունեմ»-ի պատգամավորները որոշեցին չմասնակցել քվեարկությանը: Ո՞րն էր պատճառը, ի՞նչ է տեղի ունեցել:
«Պատիվ ունեմ» խմբակցության պատգամավոր, ՀՀԿ ԳՄ անդամ Աննա Մկրտչյանը այսպես մեկնաբանեց իրենց որոշման կտրուկ փոփոխությունը.
«Այո, մենք միացել էինք Մանվել Բադալյանի թեկնածության առաջադրմանը, սակայն ԱԺ լիագումար նիստում հարց ու պատասխանի ժամանակ պարոն Բադալյանի հնչեցրած որոշ մտքեր մեզ համար նորություն էին և անընդունելի, ուստի որոշեցինք քվեարկությանը չմասնակցելով հայտնել մեր դիրքորոշումը»,-ասաց նա՝ չմասնավորեցնելով՝ հատկապես ելույթի որ մասն է եղել անընդունելի:
1
4057 դիտում
2
3098 դիտում
3
2705 դիտում
4
2426 դիտում
5
2147 դիտում
1
19242 դիտում
2
13226 դիտում
3
9458 դիտում
4
8095 դիտում
5
7691 դիտում
2
19068 դիտում
3
16252 դիտում
4
15959 դիտում
