ԻԻՀ խորհրդարանը հավանություն է տվել տեղեկատվական անվտանգության ոլորտում ՌԴ-ի հետ համագործակցության օրինագծին

Իրանի խորհրդարանը հավանություն է տվել օրինագծին, որը նախատեսում է տեղեկատվական անվտանգության ոլորտում Իսլամական Հանրապետության և Ռուսաստանի Դաշնության միջև համագործակցության մասին համաձայնագրի կնքումը, հայտնում է Mehr-ը։

Իրանի խորհրդարանը կիրակնօրյա բաց նիստի օրակարգում ներառել է օրենսդիր մարմնի ազգային անվտանգության և արտաքին քաղաքականության հանձնաժողովի զեկույցը Թեհրանի և Մոսկվայի միջև համաձայնագրի վերաբերյալ,  օրենսդիրները հավանություն են տվել օրինագծի ընդհանուր դրույթներին և մանրամասներին:

Թեհրանի և Մոսկվայի միջև համագործակցության համաձայնագիրը, որը հիմնված է մեկ կետից բաղկացած օրինագծի վրա, կազմված է ներածությունից, ինը հոդվածից և մեկ հավելվածից։ Օրինագիծը թույլ է տալիս նաև փաստաթղթերի փոխանակում երկու կողմերի միջև։

Օրինագծի ընդհանուր դրույթները հավանության են արժանացել 180 կողմ, 27 դեմ ձայների հարաբերակցությամբ։

Օրենսդիրները, որոնք կողմ են արտահայտվել համաձայնագրին, անհրաժեշտ են համարել Իրանի և Ռուսաստանի միջև կապերի հետագա խորացումը, քանի որ երկու երկրներն արդեն ստորագրել են 20-ամյա համապարփակ համաձայնագիր տարբեր ոլորտներում համագործակցության ընդլայնման մասին:

Ազգային անվտանգության և արտաքին քաղաքականության խորհրդարանական հանձնաժողովի ներկայացուցիչ Աբոլֆազլ Ամուեին հայտարարել է, որ տեղեկատվական անվտանգության մասին համաձայնագիրը նախատեսում է կիբեր սպառնալիքներին դիմակայելու մեթոդներ, որոնց բախվում են  Իրանն ու Ռուսաստանը։