Ուկրաինական պաշտպանությունը Պոկրովսկի ուղղությամբ փլուզման եզրին է (Քարտեզ)

Երեկ օրվա երկրորդ կեսին, ռուսական ուժերը արագ հարձակմամբ գրավելով ռազմավարական նշանակության Պրոգրես բնակավայրը, նույնքան արագ շարունակել են հարձակումը` դուրս գալով դեպի Պոկրովսկ-Կոնստանտինովկա մայրուղին տանող ուղիղ ճանապարհ:

Ռազմավարական առումով Պրոգրեսի գրավումը նույն հետեւանքներն է խոստանում, ինչ եղավ Օչերետինոյի դեպքում: 

Այս պահին ռուսների հիմնական խնդիրը Պրոգրես եւ այելի հյուսիս գտ նվող Տիմոֆեեւկա բնակավայրերի միջեւ գտնվող ուկրաինական ամրացված գոտին է, որը, սակայն, այս պահին երեք ուղղությամբ հարվածի տակ է, եւ եթե արդեն այս պահին ուկրաինական ուժերը չեն հասցրել նահանջել, մեծ հավանականությանմ բրվա ընթացքում այն կհանտնվի շրջապատման մեջ:

Արդյունքում, Պրոգրեսի հարակից հատվածները մաքրելով, ռուսական ուժերի համար առնվազն երկու առանցքային ուղղություն է բացվում: Նախ, արդեն վերսկսվել է ավելի հյուսիս գտնվող Վոզդվիժենկայի վրա գրոհը, որից հետո ռուսները դուրս են գալու Պոկրովսկ-Կոնստանտինովկա մայրուղի, որն իր հերթին հզոր հարձակման տակ գտնվող Տորեցկի պաշտպանահան գոտու մատակարարման հիմնական ուղին է:

Հաջորդը. Պրոգրեսից ռուսական ուժերի համար բացվում է Միրնոգրադ-Պոկրովսկ հարվածի ուղիղ ճանապարհը: Եվ սա այն դեպքում, երբ, ինչպես ցցույց տվեց Պրոգրեսի շատ արագ գրավումը, այս ուղղությամբ ուկրաինական պաշտպանությունը լիովին փլուզման եզրին է, եթե ոչ փլուզված: Իսկ ռեզերվների հաշվին ուղղությունը ամրացնելու հարցում ուկրաինական կողմը լուրջ խնդիրներ ունի: