Բրիտանիան դուրս մնաց արդյունաբերական երկրների 10-յակից՝ զիջելով Ռուսաստանին. Times

Բրիտանիան դուրս է մնացել արդյունաբերական երկրների տասնյակից, իսկ Ռուսաստանը զբաղեցրել է ութերորդ տեղը ցուցակում, գրում է Times թերթը՝ վկայակոչելով բրիտանական արտադրողներին միավորող Make UK կազմակերպության տվյալները։

«Մեծ Բրիտանիան առաջին անգամ լքել է աշխարհի լավագույն արդյունաբերական արտադրող երկրների տասնյակը համաշխարհային տնտեսության «ուրվագծերի վերագծման» ֆոնին <...> Մեծ Բրիտանիան իջել է Մեքսիկայից և Ռուսաստանից ցածր»,- ասվում է հոդվածում։

Հրապարակումը տրամադրում է տվյալներ 2022թ. դրությամբ, երբ Բրիտանիան արդյունաբերական խոշորագույն տնտեսությունների շարքում զբաղեցնում էր 12-րդ տեղը՝ չորս տեղով նահանջելով  դրանից մեկ տարի առաջվա դիրքերից։ Ընդ որում, Ռուսաստանը, ընդհակառակը, բարձրացել է վարկանիշում ութերորդ տեղ՝ պաշտպանական արտադրության ծավալների աճի շնորհիվ։ Ակնհայտորեն 2023թ.-ին եւ 2024թ. այս ամիսներին Բրիտանիայում տնտեսական խնդիրները միայն խորանում են, իսկ Ռուսաստանում բոլոր համաշխարհային պատկան կառույցներն արձանագրել են արդյունաբերության բուռն աճ: Իսկ դա հուշում է, որ այս պահի դրությամբ իրավիճակն էլ ավելի է փոխվել՝ ի օգուտ Ռուսաստանի եւ ի վնաս՝ Բրիտանիայի:

Ցուցակի առաջին տեղը զբաղեցրել է Չինաստանը, որին հաջորդում է ԱՄՆ-ը, իսկ լավագույն եռյակը եզրափակել է Ճապոնիան։

Այս թեմայով Առաջիկա տարիներին Թուրքիան անպայման դուրս կգա ՆԱՏՕ-ից. Թուրք վերլուծաբան Ռուսները շարունակում են առաջխաղացումը` շրջապատելով Ուկրաինայի ուժերը. New York Times Իրանի ազգային անվտանգության հանձնաժողովի անդամ Արդեստանին հաստատել է, որ Թեհրանը բալիստիկ հրթիռներ է հանձնել Ռուսաստանին. CNN ԿՀՎ-ի և MI6-ի ղեկավարները հանդես են եռկել բացառիկ համատեղ հայտարությամբ. The Financial Times. ԵՄ-ն, Մեծ Բրիտանիան, ԱՄՆ-ը և ևս յոթ երկրներ ստորագրել են արհեստական ​​ինտելեկտի օգտագործման կոնվենցիա