2,6 մլն դրամ բանկային հաշվի մնացորդ, 200 հազար կանխիկ. ի՞նչ է հայտարարագրել ՔՊ-ականը․ «Ժողովուրդ»

«ՔՊ-ի բոլոր մարզային միջոցառումներին ներկա Տիգրան Պարսիլյանը ՀՀ Ազգային Ժողով է եկել 2023 թվականի նոյեմբերին` «Քաղաքացիական պայմանագիր» խմբակցության պատգամավոր Վիգեն Խաչատրյանի մահից հետո` նրան փոխարինելու։

Պարսիլյանը քաղաքական դաշտ է մտել 2018 թվականի հեղափոխությունից հետո։ 2013 թվականից «Քաղաքացիական պայմանագիր» քաղաքական միավորման հիմնադիր անդամ է, 2015 թվականից՝ «Քաղաքացիական պայմանագիր» կուսակցության հիմնադիր անդամ:

Պարսիլյանի առաջին պաշտոնը 2018 թվականին եղել է Արարատի մարզպետի խորհրդականի, այնուհետեւ՝ մարզպետի տեղակալի պաշտոնը:

Տիգրան Պարսիլյանի՝ 2023 թվականի գույքի, եկամուտների, շահերի և ծախսերի հայտարարագրի համաձայն` պատգամավորը որևէ անշարժ գույք չի հայտարարագրել։ Կինը՝ Նվարդ Սարգսյանը, ևս որևէ անշարժ գույք չի հայտարարագրել․ անհասկանալի է, թե որտեղ է ապրում պատգամավորի ընտանիքը:

Նա հայտարարագրել է մեկ տրանսպորտային միջոց՝ 2001 թվականի արտադրության Nissan մակնիշի մեքենա, որը ձեռք է բերել 2020 թվականին՝ պետական աշխատանքի անցնելուց հետո։

Պատգամավորի բանկային հաշիվների մնացորդները կազմել են 2 մլն 600 հազար դրամ, կանխիկ դրամական միջոցները՝ 200 հազար դրամ։

2023 թվականի հաշվետու տարվա եկամուտը կազմել է 6 մլն 758 հազար դրամ, որը աշխատանքի վարձատրություն է ՀՀ Ազգային Ժողովի աշխատակազմից։

Նկատենք, որ ՔՊ պատգամավորը, մինչեւ պաշտոններ ստանձնելը, սեփական ոչինչ չի ունեցել․ հիմա մեքենա ունի, բնակարանի մասին էլ՝ թերևս կլսենք շուտով»:

Մանրամասն՝ թերթի այսօրվա համարում։

Այս թեմայով «Ես սատանիստ եմ, ինձ չեն կարող հրավիրել». ՔՊ-ականը՝ եկեղեցու վերաօծմանը մասնակցելու մասին Ոստիկանությունը որոնում է ոմն «Գռզո»-ին, ով քաղաքացուն սպառնացել է, որ իրեն 13 հազար դոլար վճարի Սիրելի՛ ծնողներ, երեխաներին Հունգարիա ուղարկելու ձեր որոշման ժամանակ հաշվի առեք, թե որ երկիր եք ուղարկում.Գեղամ Ստեփանյան Գերնպատակն այն է, որ 30000 ժողովուրդ գեներացնեն, գան ԱԺ-ի վրա ու իրենց սև գործը անեն․ Հովիկ Աղազարյան 1 միլիարդ 925 միլիոն դրամ՝ ՀՀ մարզպետների աշխատակազմերին (տեսանյութ)