ՇՏԱՊ. Վարչապետը հրաժարական է տվել եւ փախել երկրից

Երկում ընթացող բողոքի զանգվածային ցույցերի ֆոնին Բանգլադեշի վարչապետ Շեյխ Հասինան հրաժարական է տվել և լքել երկիրը։ Այս մասին հայտնում է Reuters-ը՝ վկայակոչելով բանակի իր աղբյուրներին։

Հաղորդվում է, որ դարյուրավոր ցուցարարներ ներխուժել են վարչապետ Շեյխ Հասինայի նստավայր։

Ըստ Prothom Alo Daily-ի՝ քաղաքական գործիչը երկրից ռազմական ինքնաթիռով մեկնել է Հնդկաստան։

Ցույցերը Բանգլադեշում ընթանում են հուլիսից. ցուցարարները պահանջում են վերացնել պետական աշխատատեղերի քվոտաների համակարգը։ 

Այնուհետև ցույցերն ընդլայնվեցին և վերածվեցին ավելի մասշտաբային հակակառավարական շարժման։ Ուսանողները հայտարարել են քաղաքացիական անհնազանդության ակցիաներ՝ պահանջելով երկրի վարչապետ Շեյխ Հասինայի հրաժարականը։ 

Երկրում հայտարարվել է պարետային ժամ՝ ժամը 18։00-ից, որոշ հատվածներում արգելափակվել է ինտերնետը։ Օգոստոսի 5-ին ցույցերը վերսկսվել են։ Երթով դեպի մայրաքաղաք Դաքա շարժվող ցուցարարների նկատմամբ կիրառվել են լուսաձայնային նռնակներ և արցունքաբեր գազ։ Ըստ BBC-ի՝ քաղաքում տեղակայված են ինչպես ոստիկաններ, այնպես էլ զինվորականներ։ ՄԱԿ-ը կոչ է արել վերջ դնել բռնություններին, իսկ Բանգլադեշի քաղաքական գործիչներին և անվտանգության ուժերին հորդորել է զսպվածություն ցուցաբերել։

Ընդհանուր առմամբ, ույցերի ժամանակ առնվազն 300 մարդ է զոհվել։ Այս մասին հայտնում է Agence France-Presse (AFP) գործակալությունը։

The Daily Star թերթի տվյալներով՝ հանրապետությունում անկարգությունների սկզբից ի վեր ձերբակալվել է առնվազն 10 հազար մարդ։

Ցույցերը Բանգլադեշում ընթանում են հուլիսից, երբ ցուցարարները պահանջում էին վերացնել պետական աշխատատեղերի քվոտաների համակարգը։

Այս թեմայով Մեծ կոտորած. Ռուսները Կուրսկում Վեսյոլոյեն գրոհող ուկրաինական ուժերին ներքաշել են «կաթսայի» մեջ (Տեսանյութ) Ձերբակալվել է հերթական ռուսական գեներալը Ո՞ր մեսենջերն է ավելի անվտանգ. Telegram, Whatsapp, Signal «Ժողովուրդ». Իշխանության «սրտի» օլիգարխները տիրում են պետական գնումներին՝ որսալով ֆինանսական ամենամեծ «ձկները» Սերբ ձյուդոիստին որակազրկել են Փարիզի օլիմպիադայի ժամանակ... խաչակնքվելու համար