Բայդենը «հիասթափված է Վրաստանի կառավարության գործողություններից»

ԱՄՆ նախագահ Ջո Բայդենը նամակ է հղել Վրաստանի պետության ղեկավար Սալոմե Զուրաբիշվիլիին, որում նա հիասթափություն է հայտնում Վրաստանի կառավարության «հակաժողովրդավարական գործողությունների» առնչությամբ՝ կապված օտարերկրյա գործակալների մասին օրենքի ընդունման հետ: Այս մասին սոցիալական ցանցերում հայտնել է ինքը՝ Զուրաբիշվիլին։

Ամերիկայի նախագահը նամակ է հղել վրացի գործընկերոջը՝ Հարավային Օսիայում ռազմական գործողությունների բռնկման 16-րդ տարեդարձի կապակցությամբ, որի ընթացքում ռուսական բանակը պաշտպանել է հանրապետությունը և ջախջախել վրացական զորքերը։

«Ցանկանում եմ նշել վրաց ժողովրդի կամքը, որը շարունակում է արտահայտել իր եվրաատլանտյան ձգտումները...

Ես հիասթափված եմ Վրաստանի կառավարության հակաժողովրդավարական գործողություններից, որոնց օրինակն է Կրեմլի օրինակով օտարերկրյա գործակալների օրենքը և Վրաստանի պետական ​​պաշտոնյաների կեղծ հայտարարությունները, որոնք չեն համապատասխանում Եվրամիությանն ու ՆԱՏՕ-ին անդամակցելու նորմերին։

Չնայած այս քայլերին՝ մենք հավատարիմ ենք մնում Վրաստանի եվրաատլանտյան ինտեգրմանը»,- ասվում է նամակում։

ԱՄՆ պետքարտուղար Էնթոնի Բլինկենը հուլիսի 31-ին հայտարարել է, որ ԱՄՆ-ը դադարեցնում է Վրաստանին ֆինանսական օգնության ծրագիրը՝ երկրում օտարերկրյա գործակալների մասին օրենքի ընդունման պատճառով։ Նույն պատճառով ԵՄ-ն ավելի վաղ դադարեցրել էր Վրաստանի պաշտպանության նախարարության ֆինանսավորումը:

Այս թեմայով Բայդենը մի շարք հայտարարություններ է արել Թրամփի դեմ մահափորձի վերաբերյալ Բայդենը խուսափեց պատասխանել Պուտինի հայտարարության մասին ուղիղ հարցին Վիզաների ազատականացումը դեռ թղթի վրա է, քաղաքացիներն էլ հիասթափված են. անձնագրայիններում հերթեր են․ «Ժողովուրդ» Բայդենը կրել է Թրամփին աջակցող գրությամբ կարմիր MAGA գլխարկ (տեսանյութ) ՈՒՂԻՂ. Կառավարության հերթական նիստը