Պարտավոր եք ուժեղ ու տոկուն մնալ, չհանձնվել. այսօր Արթուր Վարդանյանի ծննդյան օրն է

 

«Ձեզ բարի տարեդարձ, մեր շատ սիրելի պարոն Վարդանյան` մեծագույն հարգանքով եւ լավագույն մաղթանքներով շնորհավորում ենք Ձեր ծննդյան օրը։

Դուք պետք է եւ պարտավոր եք ուժեղ ու տոկուն մնալ, չհանձնվել, քանզի շատերն են ցանկանում Ձեր հանձնվելը: Համահայկական Ազգային Պետականություն կուսակցության անդամները, ընկերները, մարտական ընկերները եւ հարազատները բոլորը կպայքարեն Ձեր ազատության համար: Դուք պետք է եւ պարտավորված եք շարունակել Ձեր այն արդար պայքարը հանուն հայրենիքի, որի արդյունքում այսօր անազատության մեջ եք:

 

Որպես Հերոս Վալերիի զավակ՝ Ձեր հայի տեսակը պետք է միշտ ծնվի, ապրի եւ շատանա ու չպակասի։ Մենք ազգովի կհաղթենք միայն այդ դեպքում։

Արթուր Վարդանյանի աջակիցների կողմից բազմաթիվ ծննդյան բարեմաղթանքներ եւ անձնական նամակներ ենք ստացել, որոնք շատ մեծ ոգեւորությամբ փոխանցում ենք Ձեզ: Շնորհավոր հզոր, արդար, պայքարող հայի տարեդարձը։

 

Պատերազմը եւ մյուս բոլոր փորձությունները չկարողացան կոտրել Ձեզ, բայց Ձեզանից խլեցին շատ թանգ մի բան, Արցախը, ազատությունը, բայց չկարողացան, չխլեցին հայը Ձերը միջից, իսկ դա նշանակում է, որ Դուք անգամ անազատության մեջ ազատ եք, հզոր եք ու արդար... Մենք բոլորս միասին դեռ կնշենք մեր հաղթանակը, Արցախի ազատագրում, Ձեր ազատության վերադարձը...

 

Ուզում ենք հիշեցնել ,որ Արթուր Վարդանյանը գտնվում է անազատության մեջ ու անկախ դրանից շարունակում է պայքարել, մարտական եւ հայի ոգով լցված...»: