Մենք մեր հավաքականում մեր պատմությունն ունենք. Տիկնիզյանը` Վրաստանի հավաքականի հետ համեմատության մասին

Հայաստանի հավաքականի և «Լոկոմոտիվի» ֆուտբոլիստ Նաիր Տիկնիզյանն Ազգերի լիգայի շրջանակում Լատվիայի նկատմամբ տարած խոշոր հաշվով հաղթանակից հետո պատասխանել է Metaratings.ru-ի հարցերին։

Կիսվելով խաղի մասին տպավորություններով հայ ֆուտբոլիստը նշել է.

«Այս խաղում լավ հնարավորությունները շատ էին և մենք կարողացանք օգտվել դրանցից: Առավել կարևոր է՝ հաղթեցինք մեր երկրպագուների աչքերի առաջ: Շնորհակալություն ենք հայտնում երկրպագուներին՝ հիասքանչ մթնոլորտ ապահովելու համար»:

Հարցին` արդյո՞ք իրատեսական է խմբում առաջին հորիզոնականը զբաղեցնելը Տիկնիզյանը պատասխանել է.

«Լավ խումբ է, մրցակիցներն էլ են լավը: Գուշակություններ չեմ անի: Պայքարելու ենք յուրաքանչյուր խաղում և հաճույք ենք ստանալու խաղից»: 

Լրագրողի դիտարկմանը, թե հարեւան Վրաստանի օրինակը Եվրոպայի առաջնությունում մոտիվացնո՞ղ է Հայաստանի հավաքականի համար, Տիկնիզյանը պատասխանել է.

«Չեմ սիրում համեմատել: Վրաստանը՝ իր, իսկ մենք մեր տեղն ունենք: Այն, որ նրանք պատվով են ելույթ ունեցել, փաստ է: Տղաներն իրոք փայլում էին: Ամեն դեպքում, մենք մեր հավաքականում մեր պատմությունն ունենք»:

Այս թեմայով Հաճելի է, երբ քո ծառայություններով հետաքրքրված է այդպիսի ակումբ. Տիկնիզյան Գործընթաց կա. Տիկնիզյանը նոր պայմանագիր կկնքի Տիկնիզյանը վնասվածք է ստացել ու լքել խաղադաշտը բժիշկների օգնությամբ «Կրասնոդարը» խոշոր հաշվով հաղթեց «Լոկոմոտիվին». Սպերցյանը՝ գոլի հեղինակ(տեսանյութ) «Լոկոմոտիվը» առաջարկ ունի Տիկնիզյանին