Վանաձորի թատրոնի 93-րդ թատերաշրջանը նվիրվում է ՀՀ ժողովրդական արտիստ Սուրեն Հովհաննիսյանի 110-ամյակին

Վանաձորի Հովհաննես Աբելյանի անվան պետական դրամատիկական թատրոնն իր 93-րդ նոր թատերաշրջանի մեկնարկը կտա սեպտեմբերի 13-ին։ Թատերաշրջանը կնվիրվի ՀՀ ժողովրդական արտիստ Սուրեն Հովհաննիսյանի 110-ամյակին։ Այն կմեկնարկի Հովհաննես Թումանյանի «Անուշ» ներկայացմամբ` բեմադրությունը` ՀՀ ժողովրդական արտիստ Վահե Շահվերդյանի։

Թատերաշրջանի առաջին պրեմիերան սեպտեմբերի 25-ին է՝ Եվգենի Շվարցի «Վիշապը» քաղաքական սատիրան (բեմադրությունը` Ինգա Շահբազյանի, բեմանկարչությունը եւ զգեստների ձեւավորումը՝ Քրիստինե Վարդանյանի, լուսային ձեւավորումը՝ Աշոտ Գեւորգյանի, երաժշտությունը՝ Դավիթ Դավթյանի, երգը՝ «Բամբիռ»)։

Դերերում ներգրավված են Արման Կոլոսովը, Արման Սաքանյանը, Մարիամ Ղեւոնդյանը, Արման Մաթեւոսյանը, Համլետ Գյուլզադյանը, Էդգար Բարսեղյանը, Արթուր Պապիկյանը, Մարինե Պետրոսյանը, Անի Աբրահամյանը, Արփինե Հակոբյանը, Վահե Սիմոնյանը, Սարգիս Ալեքյանը, Վազգեն Բադալյանը։

Ներկայացման հիմքում Վիշապի մասին հեքիաթային պատմությունն է՝ հորինված ժողովրդի կողմից։ Ըստ պատմության, այդ վիշապին հաղթելն անհնար է, որովհետեւ հաղթողն ինքը վիշապ է դառնում, եւ միայն մաքուր սրտով մարդն է կարող սպանել վիշապին։ Այստեղ, հերոսներին ազատություն բնավ պետք չէ, ընդհակառակը, նրանք ուզում են ստրուկ լինել, միայն թե տերը նրանց հետ կոպիտ չվարվի։ Սակայն, մարդուն ազատ դարձնելու համար, Վիշապին սպանելը բավարար չէ…

Մինչեւ տարեվերջ թատրոնը նախատեսում է հյուրախաղեր Երեւանում եւ Թբիլիսիում։ Սկսված են նոր ներկայացման փորձերը։ Այն հեքիաթ է մեծահասակների համար։ 

Այս թեմայով Ադրբեջանի դրոշի առջև խոնարհված և տաբատն ուղղող Փաշինյան․ ՌԴ պետական գործակալությունը Փաշինյանից անպարկեշտ լուսանկարներ է տարածել Վազգեն Սարգսյանի անվան ռազմական ակադեմիայի ռազմաօդային ուժերի ինստիտուտի առօրյան Մեզ տանում են մի տեղ, որը կոչվում է կործանում. քաղաքական սատիրա՝ Պարոնյանի բեմում Կայացավ «Եվրասիական տնտեսական միության վերլուծական կենտրոնները եւ հասարակական հատվածը» խորագրով միջազգային կլոր սեղան Բեմում անկեղծ եմ, բայց կյանքում Ադուեւ չեմ. առաջնախաղ` ռուսական թատրոնի բեմում